COP17-ի շրջանակում անտեսվում է արցախցիների՝ Արցախ վերադարձի հարցը։
A protest related to COP17 takes place outside the French Embassy. Yerevan, Armenia
Այս խնդրի վրա միջազգային հանրության ուշադրությունը հրավիրելու նպատակով մի խումբ քաղաքացիներ և հասարակական գործիչներ տարբեր երկրների դեսպանատներ են փոխանցել նամակներ՝ բարձրաձայնելով արցախցիների իրավունքների պաշտպանության հարցը։
Ավագանու անդամ Նարե Արամյանի խոսքով՝ ինքնորոշման իրավունք ունեցող տարբեր ժողովուրդների բազմաթիվ օրինակներ կան, որոնք հասել են իրենց նպատակին կամ առնվազն այդ ճանապարհին են։
«Ֆրանսիան բարեկամ ժողովրդի ներկայացուցիչ պետություն է, որը դարեր շարունակ աջակցել է հայ ժողովրդին՝ Հայոց ցեղասպանության հարցի բարձրաձայնման գործում։ Այսօր ևս Ֆրանսիան կարող է միջազգային հարթակներում հանդես գալ Արցախի բնիկ ժողովրդի իրավունքների պաշտպանության դիրքերից՝ առաջին հերթին ներկայացնելով արցախցիների հավաքական իրավունքները և, իհարկե, նպաստելով նաև անհատական մակարդակում մարդու իրավունքների պաշտպանությանը։
Կարդացեք նաև
Հուսով ենք, որ Շվեյցարիան նույնպես ձեռնամուխ կլինի այդ իրավունքների ներկայացմանը, քանի որ մեր իրավունքները միջազգային ատյաններում բարձրաձայնելուց բացի՝ այլ տարբերակ չենք տեսնում։
Սա առաջին հերթին բխում է Հայաստանի Հանրապետության շահերից, որովհետև որևէ տարածաշրջանում չի կարող լինել խաղաղություն և կայուն զարգացում, եթե պատերազմական հանցագործություններին և, առավել ևս, ցեղասպանական գործողություններին տրված չեն իրավական գնահատականներ միջազգային մակարդակում», -ասաց Նարե Արամյանը։
Արփինե ՍԻՄՈՆՅԱՆ
