Քիչ առաջ Գյումրու թիվ 2-րդ գերեզմանատանը գտել են կնոջ դի՝ կախված վիճակում։ Այս մասին տեղեկանում ենք shamshyan.com-ից։
Ոստիկանները պարզել են, որ նա 33-ամա Աննա․Մ․-ն է, այն երեխայի մայրը, որը մոտ մեկ ամիս առաջ Մուշ թաղամասից 3-րդ հարկից պատահաբար վայր էր ընկել ու մահացել։
Ինչպես տեղեկացրել էր Aravot.am-ը, 7 տարեկան տղան տան միակ զավակն էր։
Այս պահին դեպքի վայրում աշխատում են ոստիկաններն ու քննիչները։
Կարդացեք նաև
Aravot.am-ի տեղեկություններով, մայրը երկտող է թողել։
Ըստ պաշտոնական հաղորդագրության՝ «Օգոստոսի 15-ին ժ.14.25-ին ՀՀ ՆԳՆ ոստիկանություն հաղորդում է ստացվել, որ Գյումրի քաղաքի թիվ 2-րդ գերեզմանատանը հայտնաբերել են երիտասարդ աղջկան՝ կախված վիճակում: Պարզվել է, որ 1990թ.ծնված կինը ինքնասպանություն է գործել ք.Գյումրի թիվ 2-րդ գերեզմանատանը՝ գերեզմանի մոտ երկաթյա կոնստրուկցիայով կառուցված ծածկից, կտորե գոտիով կախվելու միջոցով: Կազմված փաստաթղթերն ուղարկվել են Շիրակի մարզային քննչական վարչություն»։
Նունե ԱՐԵՎՇԱՏՅԱՆ
