Aravot.am-ի տեղեկություններով, ՀՀ ՆԳՆ-ում համեմատությամբ պարզվել է, որ ՀՀ ՔԿ-ում պաշտոն զբաղեցնող պաշտոնատար անձինք քրեական գործի շրջանակներում, լիազորված լինելով ինքնուրույն ուղղություն տալ քննությանը, մասնավորապես կատարել զննում, դիակը ներկայացնել ճանաչման, ինչպես նաև պատասխանատվություն կրելով քննչական և այլ դատավարական գործողություններն օրինական ու ժամանակին կատարելու համար, տուժող Վ. Խ-ի դիակը 2020թ. նոյեմբերին հայկական կողմին փոխանցելու և նրա հագուստներում տուժողի նույնականացման համար անհրաժեշտ իրեր առկա լինելու, դիակի վրա դաջվածք լինելու պայմաններում, իրենց ծառայողական պարտականությունների կատարման նկատմամբ դրսևորել են անփույթ և անբարեխիղճ վերաբերմունք:
Ըստ նույն աղբյուրի, դիակը պատշաճ չեն զննել ու ճանաչման չեն ներկայացրել, ինչի հետևանքով Վ.Խ-ի դիակը տևական ժամանակ գտնվել է դիահերձարանում, այն հարազատներին չի հանձնվել և չի հուղարկավորվել։ Նրա անձը նույնականացվել է միայն այս տարվա մայիսի 12-ին:
Կատարվում է նախաքննություն:
