Aravot.am-ի տեղեկություններով, ապրիլի 20-ին բաժին է հրավիրվել Գեղադիր գյուղի բնակչուհի Լ. Հ-ն, որը հաղորդում էր տվել, թե ապրիլի 19-ին որդուն՝ Ս. Վ.-ին, համադասարանցիների ներկայությամբ, դասղեկ Մ. Պ-ն «հոգեկան հիվանդ» էր անվանել, ու ինքն էլ պարզաբանում ստանալու նպատակով ապրիլի 20-ին այցելել էր դպրոց, եւ դասղեկի հետ բարկացած խոսել:
Տիկնոջ պատմելով, այդ ընթացքում դասարան է մտել նույն դպրոցի ուսուցիչ Ա. Խ.-ն ու հարվածելով, քաշքշելով եւ վիրավորելով նրան դուրս հանել դպրոցից՝ պատճառելով ֆիզիկական ցավ՝ հաշվի չառնելով իր հղի լինելը։
Կազմված փաստաթղթերն ուղարկվել են ՀՀ ՔԿ Արագածոտնի մարզային քննչական վարչություն՝ վարույթ նախաձեռնելու հարցը քննարկելու համար:
