«Սեւ հովազ» ռազմահայրենասիրական ՀԿ նախագահ, «Սեւ հովազ» ջոկատի նահատակված հրամանատար Ռուստամ Գասպարյանի եղբայրը՝ Սերոբ Գասպարյանը, Aravot.am-ի հետ զրույցում անդրադարձավ 4-5 օր առաջ «Ազատության» հրապարակում արած իր հայտարարությանը, որ ոստիկանությունը ապօրինի զենք հայտնաբերելու նպատակով մտել եւ խուզարկել է «Սեւ հովազ» ջոկատի անդամ մի քանի տղաների բնակարանները:
«Մինչեւ հրապարակային հայտարարությունն անելը, ես այդ օրը լրատվամիջոցներով կոնկրետ Նիկոլին խորհուրդ տվեցի, որ չփորձի «հովազներին» կպնել, որովհետեւ «հովազ» տղաները՝ ի տարբերություն իրեն, պատերազմ անցած, կռված տղերք են եւ անցած ճանապարհ ունեն ու նա այնքան իրավունք չունի, որ փորձի «հովազներին» վնասել: Այդ օրվանից մինչեւ այսօր տղաների նկատմամբ գործողությունները դադարել են»,-ասաց Սերոբ Գասպարյանը:
Աշոտ ՀԱԿՈԲՅԱՆ
