ԱԺ լիագումար նիստում այսօր «Հայաստան» դաշինքի պատգամավոր Գեղամ Մանուկյանը պատասխանեց ՔՊ-ական պատգամավոր Վահագն Ալեքսանյանի մեղադրանքներին, թե հանրությունը «Վիքիլիքսից» է իմացել, որ Ռոբերտ Քոչարյանը 2005թ․-ին նամակ է հղել Թուրքիայի այդ ժամանակվա վարչապետ Ռեջեփ Էրդողանին։
«Պարոն Ալեքսանյանին խորհուրդ եմ տալիս զանգել «Մեդիամաքս» լրատվական գործակալության տնօրեն պարոն Թադեւոսյանին ու հարցնել՝ «Վիքիլիքսի՞ց» է արտատպել Ռոբերտ Քոչարյանի կտրուկ պատասխանն Էրդողանին»,-հարցադրում արեց Գեղամ Մանուկյանը։
«Նա կասի, որ ոչ, 2005թ․ նախագահի աշխատակազմը բացառության կարգով «Մեդիամաքսին» է տրամադրել այդ նամակը։ Ես կարող եմ ուղարկել նաեւ «Ալիք» օրաթերթը, որը հրապարակել է այդ նույն նամակը։ Այդ ամենը գաղտնի չի եղել, ուղղակի կարելի է մի քիչ սովորել։ Կամ, տարիքովներին հարցրեք, կհիշեն։ Օրինակ՝ Հովիկ Աղազարյանին հարցրեք»,-հավելեց Գեղամ Մանուկյանը։
Վահագն Ալեքսանյան
Վահագն Ալեքսանյանն արձագանքեց․ «2005թ․ ՀՀ բնակչության քանի՞ տոկոսն էր տեղյակ, որ գոյություն ունի «Մեդիամաքս» գործակալություն։ Բացի այդ, դա իմ մեջ չի տպավորվել, որովհետեւ ՀՅԴ-ն այդ նամակին ի պատասխան ԱԺ-ում աղմուկ չի բարձրացրել։ Կամայական որեւէ հեռուստաընկերությամբ հայտարարվե՞լ է այդ մասին»։
Կարդացեք նաև
Լուիզա ՍՈՒՔԻԱՍՅԱՆ
