«Իրազեկ քաղաքացիների միավորում» ՀԿ-ն ամփոփել է 2020 թ. երրորդ և չորրորդ եռամսյակներում՝ հուլիսի 1-ից դեկտեմբերի 31-ն ընկած ժամանակահատվածում հայկական մեդիադաշտում քաղաքական իրադարձությունների շուրջ տարածված մանիպուլյացիաները և քարոզչական թեզերը: Կիսամյակային զեկույցը կազմվել է նշված ամիսներին սոցիալական մեդիայի, առցանց լրատվամիջոցների, տպագիր մամուլի և հեռուստաալիքների յութուբյան էջերի մշտադիտարկման հիման վրա:
Ըստ այդմ, 2020 թ․ երրորդ և չորրորդ եռամսյակներում քարոզչական թեզերը բաժանված էին երեք ժամանակահատվածի և տրամաբանորեն հաջորդում էին իրար։ Մասնավորապես, նախապատերազմյան շրջանում ակտիվ էր «հակառուսական» Հայաստանի մասին թեզը, պատերազմի ընթացքում՝ «դավաճան» և «թրքասեր» իշխանության մասին թեզը, իսկ պատերազմից հետո վարչապետի հրաժարականի պահանջի շրջանակներում, բացի իշխանությունից, պիտակավորվեցին նաև վարչապետին աջակցող կամ ընդդիմության պահանջը չկիսող քաղաքացիները։
Հաշվետվությունը ամբողջությամբ կարող եք ընթերցել այս հղումով։
«Իրազեկ քաղաքացիների միավորում»
