Այս պահին պետբյուջեի նախագծի քննարկման համար ԱԺ նիստին է մասնակցում վարչապետ Նիկոլ Փաշինյանը: Քիչ առաջ նա ժամանեց ԱԺ՝ փոխվարչապետ Մհեր Գրիգորյանի, կառավարական կազմի հետ:
Սովորաբար ԱԺ-ում այնտեղ, որտեղ կանգնում էր վարչապետի մեքենան, լրագրողները մոտենում էին վարչապետին ու օրակարգային, հանրությանը հուզող հարցեր ուղղում երկրի առաջին դեմքին:
Սակայն այսօր ԱԺ-ում հավատարմագրված լրագրողների համար բարիկադներ, պատնեշներ ստեղծեցին ու մեկուսացրեցին ԶԼՄ ներկայացուցիչներին ԱԺ մասնաշենքերից մեկի խուլ միջանցքում, որ հանկարծ վարչապետին չմոտենայինք ու հարց չտայինք: Վարչապետի անվտանգության աշխատողները թույլ չէին տալիս մոտ գնալ անգամ ԱԺ մասնաշենքի այն հատվածին, որտեղ պետք է կայաներ վարչապետի մեքենան: ԱԺ այգում ամենուրեք տեղադրել էին այդ պատնեշները: Ավելին՝ վերջին շրջանում փակել են անգամ ԱԺ մասնաշենքերից մեկի այն դուռը, որտեղից լրագրողները կարողանում էին ներսուդուրս անել վարչապետի ժամանման վայր: Լրագրողները հիմա ստիպված են լինում այլ մասնաշենքով, շրջանցելով այգին՝ հասնել այնտեղ:
Կարդացեք նաև
Վարչապետ Նիկոլ Փաշինյանը երբեւէ լրագրողների հետ շփվելու խնդիր չի ունեցել, ընդամենը մի քանի ամիս առաջ նա հանգիստ շրջում էր ԱԺ շենքում, մոտենում լրագրողներին, նախասրահում բարեւում ու հարց է առաջանում՝ բա՞ն է փոխվել, այս ի՞նչ նոր հրահանգներ են:
Հռիփսիմե ՋԵԲԵՋՅԱՆ
