Հայկ Մարությանի` Երեւանի քաղաքապետ դառնալուց երկու ամիս անց՝ 2018-ի նոյեմբերին, քաղաքապետարանը քանդեց Նոր Նորք վարչական շրջանի Գյուրջյան փողոցի N 1/3 հասցեում գտնվող «Անի-97» ընկերության սեփականություն շինությունը: Պաշտոնապես հայտարարվեց՝ կառուցվել է առանց շինթույլտվության:
«Անի-97» ընկերությունը դիմել է դատարան եւ առաջին ատյանի դատարանում շահել դատը. դատարանը որոշել է, որ շինությունը քանդելու քաղաքապետարանի հանձնարարականն անօրինական է: Այս մասին «Առավոտի» հետ զրույցում ասաց «Անի-97» ընկերության սեփականատիրոջ շահերի ներկայացուցիչ Արամ Օհանյանը:
Փաստաբանն ասաց, որ այսպիսով հիմք է ստեղծվում նաեւ սեփականատիրոջ համար` քաղաքապետարանի դեմ վնասի փոխհատուցման հայց ներկայացնելու: Ըստ մասնագետների, փոխհատուցման չափը կարող է գերազանցել 100 միլիոն դրամը: Քանդված շենքի սեփականատերը դեռ մտածում է` դիմե՞լ փոխհատուցման հայցով դատարան, թե` ոչ:
Կարդացեք նաև
Նելլի ԳՐԻԳՈՐՅԱՆ
«Առավոտ» օրաթերթ
14․09․19 թ․
Հարգելի «Առավոտ», Ձեր գրությունը հավատք չի ներշնչում, հավելյալ փաստեր են պետք, դատարանի վճիռ, դատալեքս և այլն:
ներկայացնում ենք իմ մատմանշած դատական ակտի եզրափակիչ մասը.
Ամբողջ վճիռը 23 էջ է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ
Վարչական գործ թիվ ՎԴ/10829/05/18
Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
<> հունիսի 2019 թվական ք.Երևան
Հայաստանի Հանրապետության վարչական դատարանը (այսուհետ՝ Դատարան)՝
նախագահությամբ՝ դատավոր Արթուր Ավագյանի,
քարտուղարությամբ՝ Նելլի Հովակիմյանի, Անի Առաքելյանի,
մասնակցությամբ՝ <> ՍՊԸ-ի տնօրեն Դավիթ Ահարոնյանի (վարորդական վկայական թիվ RB179848), հայցվորի ներկայացուցիչ Արմեն Օհանյանի (ՀՀ փաստաբանների պալատի վկայական թիվ 947, հիմք՝ <> ՍՊԸ-ի տնօրենի 29.10.2018 թվականի լիազորագիր),
պատասխանողի ներկայացուցիչ Հայկուհի Բաղդասարյանի (նույնականացման քարտ թիվ 008931560, հիմք՝ Երևանի քաղաքապետի 04.02.2019 թվականի լիազորագիր),
դռնբաց դատական նիստում քննելով վարչական գործն ըստ հայցի <> ՍՊԸ-ի (այսուհետ՝ Ընկերություն) ընդդեմ Երևանի քաղաքապետարանի` 29.10.2018 թվականի <> թիվ 3345-Ա որոշումն անվավեր ճանաչելու պահանջի մասին
Վ Ճ Ռ Ե Ց
1. <> ՍՊԸ-ի հայցն ընդդեմ Երևանի քաղաքապետարանի բավարարել.
անվավեր ճանաչել Երևանի քաղաքապետի 29.10.2018 թվականի <> թիվ 3345-Ա որոշումը:
2. Երևանի քաղաքապետարանից հօգուտ <> ՍՊԸ-ի բռնագանձել 4.000 ՀՀ դրամ՝ որպես նախապես վճարված պետական տուրքի գումար:
3. Սույն վճիռն օրինական ուժի մեջ է մտնում հրապարակման պահից մեկ ամիս հետո և կարող է բողոքարկվել ՀՀ վերաքննիչ վարչական դատարան՝ մինչև այդ ակտի օրինական ուժի մեջ մտնելու համար սահմանված ժամկետը:
4. Սույն վճիռը` դատական ծախսի մասով, կամովին չկատարվելու դեպքում այն կկատարվի դատական ակտերի հարկադիր կատարումն ապահովող ծառայության միջոցով՝ պարտապանի հաշվին:
ԴԱՏԱՎՈՐ՝ ԱՐԹՈՒՐ ԱՎԱԳՅԱՆ