Այսօր ազատամարտիկ Սուրեն Սարգսյանը մի քանի ընդդիմադիր կուսակցությունների հետ քննարկում էր կազմակերպել` թե ինչպես հասնել իշխանափոխության. ներկայացված առաջարկներն էին` սկսած ժողովրդի մոբիլիզացումից, խորհրդարանական ուժերի միջոցով ներկայացվող առաջարկներից մինչեւ ուղղակի հեղափոխություն:
Դեռ կոնկրետ որեւէ առաջարկի շուրջ ընդհանուր համաձայնության չեկած, պարոն Սարգսյանը նույնիսկ մտահոգություն արտահայտեց, թե` եթե հասնեն իշխանափոխության, ի՞նչ են անելու հետո. «Երբ գնացինք ու հեռացրինք իշխանություններին, ի՞նչ ենք հետո անելու, այդ հարցն էլ պետք է պարզել: Ի՞նչ մեխանիզմով ենք պահելու եղածը: Ազատամարտիկներս առաջարկում ենք կարողանալ ապահովել ժողովրդի մոբիլիզացիան, իսկ դրա ամենակարճ եւ էֆեկտիվ ճանապարհը կուսակցություններին ներգրավել այս գործընթացին: Իշխանության հրաժարականը ինչպիսին լինի, իշխանությունների վարքը ինչպիսին լինի, այնպիսին էլ պատասխանը կլինի: Ժողովուրդը պետք է տեսնի, որ բոլորս մեկ մտքի ենք, իսկ ձեւերը իշխանությունների որակից է կախված` խելքները գլուխները կհավաքեն, մարդավարի կհասկանան, որ իրենք պիտի գնան` կգնան, չեն հավաքի` կուղարկենք: Բայց, ուղարկելուց հետո, մի պահ եկեք պատկերացնենք, ամենքս մերը պոկենք, ու ամենքս պիտի՞ մտածենք` վայ հիմա ես եմ լինելու իշխանության, այս դեպքում երկիրը չգիտեմ ինչի կվերածվի»:
«Ազգային անվտանգության կուսակցության» ներկայացուցիչն, օրինակ, ներկայացված առաջարկները համարեց համատեղելի եւ նշեց, որ եթե մոբիլիզացվելու են քաղաքական ուժերն ու ժողովուրդը, ապա պետք է սկսել մասսայական հանրահավաքներ ուղղություն եւ ժողովրդի մոբիլիզացիա, հեղափոխություն իշխանափոխություն դրանք միմյանց չեն հակասում, մոբիլիզացիա պետք է քաղաքական-հասարակական ուժերի եւ ժողովրդի: Եթե գնում ենք օրենսդրական առաջարկություններով ուրեմն պետք է մասսայական հանրահավաքեր լինեն: Իսկ հեղափոխության հաջողության դեպքում կարելի է ժամանակավոր համաձայնության գալ, մինչեւ նոր ընտրություններ»:
Ազատամարտիկ Սուրեն Սարգսյան էլ նորից մտավախություն հայտնեց, որ անգամ հեղափոխության հասնելու դեպքում, հնարավոր է որոշ մարդիկ պարզապես ծախվեն. «Էս երկրում փողն աստծու պես մի բան է դարձել շատերի համար, արեցիք, փոխեցինք, կամ հրաժարական տվեցին, սկսում են բացվել նորից փողի քսակները ու մոլորության պես մի բան է սկսվում, բերում ենք մեկին, որը էլի իմաստ չունի»: Քննարկմանը ներկաները կարծիք հայտնեցին, որ ծախվելը կախված է նրանից, թե որքանով է համախմբված հեղափոխական ուժը եւ որքան կամք ունի նպատակին հասնելու համար»:
Կարդացեք նաև
Նելլի ԲԱԲԱՅԱՆ
Ես անլրջություն եմ տեսնում այս ամենում:Այդ ո՞ր հեղափոխականներն են այսպես բաց ու հրապարակային, ի լուր աշխարհի, հայտնում իրենց մտադրությունների մասին:Այն էլ այսքան մանրամասն:
ես համաձայն եմ Սպարտակի հետ սրանք արդեն ծախված են երեվում
Մեր երկրում որևիցե գործ կատարելու համար կա կարևոր պայման, նախ ստուգում են գիտելիքներտ տեսնում են գործից չես հասկանում, ուրեմն այդ ոլորտը կարող ես հանգիստ ղեկավարել: Դե սա էլ ինչպես տեսնում եք չի խաղտում ձևավորված ավանդույթը:
Շանթից սովորեցին, բացեիբաց պայքար: Ճիշտ էլ անում են, էս երկրում ամեն ինչի համար պետք է փաստեր ունենաս: Մարդիկ հանրահավաքների միջոցով են սկզբում պայքարելու, իսկ դրա մեջ թաքցնելու բան չկա, այդքան մարդուն ոնց կթաքցնես…