Այսօր ՀՅԴ-ական ազատամարտիկ Պավիկ Մանուկյանը՝ ապարանցի Պավլիկը, «Արմատ» ակումբում հրավիրած ասուլիսում վստահեցրեց, որ ՀՅԴ-ն մայիսի 5-ից հետո հայտնվեց աղբանոցում. «Ընդհանրապես ցանկացած ընտրություններին, ամեն անգամ էլ նույն խայտառակ վիճակն է լինում: Մի՞թե կարող էր առաջամարտիկը, հայ ժողովրդի զինվորը չսիրվեր ժողովրդի կողմից, այդպես չի լինում: Ուրեմն ինչ-որ մի բան այնպես չէ, չէ՞»:
Մեր հարցին՝ այսինքն Դուք հավատում եք, որ ընտրություններում ինչքան տոկոս լինում է, արտացոլում է իրակա՞ն պատկերը՝ Պավլիկ Մանուկյանը պատասխանեց, որ այդ խոհանոցից շատ է հեռու, բայց չի կարծում, որ տարբերությունը չափազանց մեծ լինի. «Եթե նույնիսկ չեն կարողացել անցնել այդ շեմը ցանկացած ճանապարհով, ուրեմն դա էլ թուլության նշան է: Ուրեմն դու չես կարողանում ապահովել քո ժողովրդի ձայնի անվտանգությունը: Ինչի՞ նման է, որ օրը ցերեկով ՀՅԴ անդամ, ազատամարտիկ Հրաչ Մուրադյանին իր աշխատանքի վայրում՝ դռան դեմը խփում-սպանում են, եւ բյուրոն ոչ մի հայտարարություն չի անում: Նա մարդ էր, մի փայլատակված ասպետ, որի հետ կողք կողքի անցել ենք ռազմաճակատը: Բյուրոյի կողմից չեղավ ոչ մի հայտարարություն»:
Մեր դիտարկմանը, որ Գերագույն մարմինը հայտարարություն արել է, ուրեմն ինչ նշանակություն ուներ, որ բյուրոն էլ հայտարարություն աներ, ինչ տարբերություն՝ նա պատասխանեց՝ ձեր եւ ձեր քրոջ մեջ տարբերություն չկա՞: Քաղաքական գլխավոր պատասխանատվությունը կրում է ՀՅԴ բյուրոն: Իսկ ԳՄ-ի նման հայտարարություն ես ինքս էլ կարող էի անել: Իրենք հայտարարություն պետք է անեին ամբողջ աշխարհի հայության մակարդակով: Չէ՞ որ ես եւ Հրաչ Մուրադյանը համարվում ենք համայն հայության զինվորն ու ազատամարտիկը: Որ հայտարարություն չարվեց, դա իրենց թուլության արդյունքն էր, իսկ թույլերին չեն սիրում: Բարոյազուրկներին չեն սիրում»:
Մեր հարցին, թե ինչքանո՞վ է ճիշտ ձեր թիմին այդպիսի բաներ ասել, ասել, որ աղբաման են նետվել, այն բանի համար, որ ընտրություններին չեն մտել ավագանու կազմ՝ նա պատասխանեց. «Ես առաջ էլ եմ ասել: Նախկին ընտրություններում էլ եմ ասել, որ սենց ա լինելու, մի արեք, ասել եմ մի գնացեք էս թիմով: Չի կարելի աղբը ոսկու տեղ խաբել, ժողովուրդը չի ընդունի աղբը»: Մեր հարցին՝ բա ո՞ր թիմով գնան՝ նա պատասխանեց. «Նրանց հետ, ովքեր արժանապատվություն ունեն»:
Կարդացեք նաև
Նա վստահեցրեց, որ եթե ՀՅԴ-ն իր թիմը փոխի, լուրջ հաջողությունների կհասնի. «Այս վերջին ընտրությունները վերջին մոհիկանն էր, վերակենդանացման բաժնում էր գտնվում: Շատ երկար պրոցես էր, որ բերեց սրան: Ես սիրում եմ, որ սեփական թերությունները, բացթողումները խոստովանեն, ոչ թե արատավորին առաջ տանեն: Այդպես չի լինում, որ թե մեկը ատելի ու զզվել է, մեկ էլ հայտնվում է պատասխանատու պոստի վրա, ստիպված հիասթափություն է առաջացնում, չէ՞: Այսօր դուք տեսնում եք ինչքան մարդիկ կան պատասխանատու պոստերում եւ հիասթափությունը հիմնականում հենց դրա պատճառով է, չէ՞»:
Հռիփսիմե ՋԵԲԵՋՅԱՆ
շատ ապրես Պավլիկ ջան դաշնակներին իսկական իրենց տեղը դրեցիր, թե չէ ասածիդ նման շատ հեռու չէք գնա նման ծախված թիմով