Լրահոս
Օրվա լրահոսը

Զատուլին. «Ռուսաստանը թույլ չի տա Արցախի հարցի անարդար լուծում»

Հոկտեմբեր 11,2019 15:38

«Վստահ եմ, որ Արցախը որեւէ պահի չի կորցնի իր պետականությունը: Վստահ եմ, որ դա տեղի չի ունենա»,-Արցախի բարեկամների համաժողովում այսօր հայտարարեց Ռուսաստանի պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը:

Նա վստահեցրեց, որ Ռուսաստանը չի խրախուսում Արցախի հակամարտության կարգավորման ռազմական ճանապարհը, այլ աջակցում է խաղաղ կարգավորմանը:

Զատուլինը հիշեցրեց, որ ռազմական ճանապարհով խնդրի լուծման փորձ տեղի ունեցավ 2016թ.-ի ապրիլին. «Դա որեւէ կերպ չէր հանդիսանում բարի մարդկանց պլան: Ռուսաստանը փորձել է իրենից կախված ամեն ինչ անել, որպեսզի այդ «պայթյունը» մեղմվի: Վստահ եմ, որ Արցախը շատ ավելի մոտ է խնդրի խաղաղ կարգավորմանը՝ կողմերի միջեւ ողջախոհության առկայության դեպքում: Կարող եք վստահ լինել, որ Ռուսաստանը, որպես պետություն, թույլ չի տա Արցախի հարցի անարդար լուծում: Համոզված եմ դրանում»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2019
Երկ Երե Չոր Հնգ Ուրբ Շաբ Կիր
« Սեպ   Նոյ »
 123456
78910111213
14151617181920
21222324252627
28293031