Ինչպես արդեն հայտնի է, Եվրասիական տնտեսական միության անդամ պետությունների ղեկավարների հերթական հանդիպումը նախատեսված է մայիսի 31-ին, Ղազախստանի մայրաքաղաք Աստանայում: Նրանք քննարկելու են «2016-2017 թվականներին Եվրասիական տնտեսական միության անդամ պետությունների մակրոտնտեսական քաղաքականության հիմնական ուղենիշերի մասին» Եվրասիական տնտեսական բարձրագույն խորհրդի որոշման նախագիծը, որն արժանացել էր Եվրասիական տնտեսական հանձնաժողովի խորհրդի անդամների հավանությանը` մայիսի 16-ին, Մոսկվայում կայացած նիստում:
Չի բացառվում, որ այդ հանդիպման ժամանակ առանձին հանդիպում լինի ՀՀ եւ ՌԴ նախագահներ Սերժ Սարգսյանի եւ Վլադիմիր Պուտինի միջեւ: Այդ մասին հայաստանցի լրագրողների հետ զրույցում ասաց ՌԴ ԱԳՆ ԱՊՀ-ի բաժնի տնօրեն Ալեքսեյ Պավլովսկին:
Հայաստանցի մի քանի լրագրողներ այս օրերին ՌԴ մայրաքաղաք Մոսկվայում են գտնվում ԶԼՄ-ների համագործակցության «Նոր հայացք» ծրագրի շրջանակներում:
Ալեքսեյ Պավլովսկին, բարձր եւ փոխշահավետ է գնահատում հայ-ռուսական համագործակցությունը՝ նկատելով, որ անցած տարի երկու երկրների միջեւ ապրանքաշրջանառությունը հասել է 1, 2 միլիարդ դոլարի, ՌԴ-ի ներդրումները Հայաստանում 4 միլիարդ դոլարի են հասնում, Հայաստանում գոյություն ունի մոտ 1300 համատեղ ձեռնարկություն: ՀՀ եւ ՌԴ ֆինանսների նախարարությունների միջեւ անցած տարի կնքված համաձայնագրով էլ 14 միլիոն դոլար է տրամադրվել համատեղ տեղեկատվական ծրագրերի իրականացման համար եւ այլն:
Կարդացեք նաև
Նելլի ԳՐԻԳՈՐՅԱՆ
Շատ սխալ է, որ պարոն նախագահն գնում է Աստանա, դրանով նա իրեն կհամարի ստորադաս երկրի, ստորադաս նախագահ, ես զարմանում եմ, մի թե պարոն Սարգսյանի երակներով հայկական արյուն չի հոսում, ես շատ կուզենայի, որ Հայստանի նախագահն բարձր պահեր հայ ազգի դեմքն ու պատիվը, և չցածրանա թուրքամետ Նազարբաեվի առջև, դա մեզ բոլորիս պատիվ չի բերի։