«New City Projects»-ը, որը Երևանում և մարզերում կառուցապատում իրականացնող առաջատար ընկերություններից է, հինգ նոր նախագիծ կհանձնի շահագործման։ Այդ նախագծերը ոչ միայն մայրաքաղաքում են, այլև հայաստանյան զբոսաշրջային կենտրոն Ծաղկաձորում։
Նախագծերից յուրաքանչյուրն ակտիվ աշխատանքային փուլում է։ Կազմակերպությունը, ունենալով երկար տարիների փորձ և արհեստավարժ թիմ, իրականացնում է ինչպես մասնավոր կառուցապատում, այնպես էլ ներդրումային սոցիալական ծրագրեր:
«New City Projects»-ի համար առաջնային են բարձր որակն ու հարմարավետությունը, ուստի ընկերության բոլոր նախագծերը վստահվում են լավագույն ճարտարապետական արվեստանոցներին և շինարարական կազմակերպություններին։
Բարձր ստանդարտներ և անզուգական հարմարավետություն
2019 թ․ ստեղծված «New City Projects»-ի փիլիսոփայության հիմքում ընկած է բարձր որակի և հարմարավետության նկատմամբ հանձնառությունը: Յուրաքանչյուր նախագիծ այս առաքելության վկայությունն է․ բոլոր նախագծերը համապատասխանում են ամենաբարձր չափանիշներին: Դրան հասնելու համար ընկերությունը համագործակցում է լավագույն ճարտարապետական ստուդիաների և շինարարական կազմակերպությունների հետ՝ ապահովելով, որ յուրաքանչյուր մանրուք՝ դիզայնից մինչև կատարում, արտացոլի գերազանցություն և նորարարություն:
Հատկանշական է, որ միայն «New City Projects»-ի հաճախորդները կարողանում են լայվ ռեժիմով հետևել շինարարական ընթացքին՝ այդպիսով էլ շոշափելի կերպով առնչվելով իրենց երազանքի տան կերտմանը։
Փոխակերպվող քաղաքային զարգացումներ
«New City Projects»-ի կողմից գործարկվող հինգ նոր նախագծերը պատրաստվում են վերաիմաստավորել Հայաստանի քաղաքային լանդշաֆտը: Այս նախագծերը ավելին են, քան պարզապես շենքեր. դրանք խորությամբ մտածված ու գծագրված տարածքներ են, որոնք նպաստում են համայնքի զարգացմանը, բարելավում են մարդկանց կենսափորձը և նպաստում տարածքների ընդհանուր գեղագիտական և ֆունկցիոնալ բարելավմանը:
Հինգ ընթացիկ նախագծերից են Shinararner Residence-ը (Երևան, Աջափնյակ), Acharyan Residential Complex-ը (Երևան, Ավան), Aria Residence-ը (Երևան, Աջափնյակ), Novem Residence-ը (Երևան, Բագրևանդ), Pallada Tsaghkadzor-ը (Ծաղկաձոր): Այս հոդվածում առավել կարճ տարբերակով կանդրադառնանք այդ նախագծերին։
Բնակելի համալիրներ
New City Projects-ի նախագծերի շարքում առանձնահատուկ տեղ են զբաղեցնում բնակելի համալիրները: Դրանցից են, օրինակ, Aria Residence-ն, Acharyan Residential Complex-ը և Shinararner Residence–ը, որոնք առաջարկում են ժամանակակից կյանքի համար անհրաժեշտ բոլոր պայմանները՝ ստորգետնյա ավտոկայանատեղիից մինչև կանաչապատ բակ և խաղահրապարակներ:
* Acharyan Residential Complex
Ոճային լուծումներով աչքի ընկնող այս բնակելի համալիրները համապատասխանում են շինարարական նորագույն ստանդարտներին և ապահովված են 9 բալ սեյսմակայունությամբ: Այս շենքերում բնակարան գնելու համար առաջարկվում են շահավետ պայմաններ (տարաժամկետ վճարմամբ և հիփոթեքային վարկով ձեռքբերում). գործում է եկամտային հարկի վերադարձի մասին օրենքը (մինչև դեկտեմբերի 31-ը):
* Aria Residence
Ներդրումային սոցիալական ծրագրով՝ Աջափնյակում շահագործման է հանձնվում միանգամից երկու նախագիծ՝ մեկը 2024 թվականի վերջում և 2026 թվականի ընթացքում։
Աջափնյակը, լինելով լավ զարգացած համայնք, հագեցած է բազմաթիվ ենթակառուցվածքներով, և այդ ենթակառուցվածքներից մեկն էլ լինելու է նոր կառուցվող մետրոպոլիտենի կայանը։
* Shinararner Residence
Բնակելի տների բոլորովին այլ շքեղություն
Novem Residence-ը Բագրևանդ 9/8 հասցեում է և բաղկացած է 9 բնակելի տներից։ 24/7 վերահսկողությամբ փակ թաղամասում լինելու են բնակիչների համար նախատեսված բացօթյա լողավազան, ընդհանուր և անհատական բակային կանաչապատ տարածքներ:
Ճարտարապետները գտել են հետաքրքիր լուծում․ ավտոկայանատեղին առանձնացրել են բնակելի հատվածից՝ տեղակայելով բակային հատվածի տակ, իսկ տների ստորգետնյա հարկը դարձրել բնակելի տարածք՝ նախատեսված ժամանցի կամ ապրելու համար։ Այդ իսկ պատճառով Novem-ը տարբերվում է ավանդական թաունհաուսներից։ Novem Residence-ը շահագործման է հանձնվելու է այս տարի։
* Novem Residence
Նոր խոսք՝ Երևանից դուրս
Զբոսաշրջային սիրված քաղաք Ծաղկաձորի սրտում՝ Ծաղկունյաց հրապարակ 5 հասցեում, կառուցվում է Pallada-ն: Pallada-ն վերափոխելու է Ծաղկաձորի զբոսաշրջային կյանքը՝ ստեղծելով բոլորովին նոր մշակույթ։ Այս նախագծի շրջանակում կառուցվելու է ոչ միայն պարզապես շենք, այլև ներդրվելու է հանգստի նոր ձևաչափ։
Այստեղ նախատեսվում են շուրջօրյա կոնսիերժ, բնակարանների մաքրման և անվտանգության ծառայություններ: Բնակելի համալիրի շինավարտը նախատեսվում է 2027 թվականին:
*Pallada
Համայնքակենտրոն մոտեցում
Ներդրումներ կատարելով ինչպես մասնավոր, այնպես էլ սոցիալական նախագծերում, ընկերությունը ապահովում է քաղաքաշինության հավասարակշռված մոտեցում՝ ապահովելով բարձրորակ բնակելի տարածքներ՝ միաժամանակ լուծելով երկրի սոցիալական և ենթակառուցվածքային կարիքները: «New City Projects»-ը նախատեսում է նաև Երևանում և մայրաքաղաքից դուրս նոր այլ նախագծեր ներկայացնել հանրությանը, որոնց մասին կհայտարարի հաջորդիվ։
