«Հայաստան» խմբակցության պատգամավոր Լիլիթ Գալստյանն ԱԺ-կառավարություն հարցուպատասխանի ժամանակ արտաքին գործերի և միջազգային առևտրի նախարար Արարատ Միրզոյանին հարցեր ուղղեց Բաքվում պահվող հայ գերիների մասին։
Միրզոյանն ի պատասխան ասաց, որ դա իրենց մշտական օրակարգի հարցն է։
«Արդյունքն այստեղ շատ կոնկրետ է և չափելի՝ պահվող անձն ազատ արձակվո՞ւմ է, թե՞ չէ։ Դեկտեմբերին, թե հունվարին եղավ վերջին խմբի ազատումը, դրանից հետո շատ բան ենք արել։ Արել ենք բաներ, որ այսօր այս ամբիոնից չէի ուզի ասել, որովհետև այլ երկրների անուններ պետք է տամ և նրանց վատ դրության մեջ գուցե կդնեմ։ Դա կվնասի մեր միջազգային կապերին։ Ասում եք՝ կա տարբերակ, գնացեք, դիմեք երրորդ երկրներին, որ միջնորդեն ազատ արձակեն։ Հիասթափեցնեմ ձեզ, տիկին Գալստյան, դիմել ենք, չի ստացվում, չեմ ուզում այդ երկրների անունները տալ, որովհետև դեռ աշխատում ենք այդ երկրների հետ»,- նշեց Միրզոյանը։
Մանրամասները՝ տեսանյութում
Կարդացեք նաև
Միրզոյանը հավելեց․ «Ես ասել եմ, որ երրորդ երկրները մեզ ասել են հեռու խաղացե՞ք, սխալվում եք։ Երրորդ երկրներին են ասել՝ հեռու խաղացեք»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
