«Դա դիսկոտեկ ինչի՞ եք անվանում, չգիտեմ․․․ Շատ էի ուզում մասնակցել, բայց, ցավոք, չեմ կարողացել մասնակցել ընտանեկան հարցի պատճառով»,-ՀՀ ԱԺ-ում լրագրողների հետ ճեպազրույցում հնչած հարցին՝ Նիկոլ Փաշինյանի դիսկոտեկին գնացե՞լ էիք, այսպես պատասխանեց Կադաստրի կոմիտեի ղեկավար Սուրեն Թովմասյանը։
Լրագրողները հետաքրքրվեցին՝ ինչ-որ գործիքի տիրապետո՞ւմ է, նա պատասխանեց․ «Ընդհանրապես չեմ տիրապետում, միայն լսում եմ»։
Լրագրողները կես կատակ-կես լուրջ հարցրին՝ կպարեի՞ք Անահիտ Ավանեսյանի պես, Սուրեն Թովմասյանն էլ արձագանքեց․ «Իսկ դուք պարելուն դե՞մ եք։ Լավ, ուրախ տրամադրությամբ ապրելուն որևէ մեկը դե՞մ է»։
Լրագրողները հակադարձեցին, բայց երկրում աղքատությունը չի նահանջում, Կադաստրի կոմիտեի ղեկավարն արձագանքեց․ «Վստահաբար այդ ցուցանիշները լավարկվում են»։
Կարդացեք նաև
Տաթև ՀԱՐՈՒԹՅՈՒՆՅԱՆ
