Անհուսալի վարկերի պետական աջակցության ծրագիրը մինչ օրս ութ հազար շահառու է ունեցել․ այս մասին այսօր խորհրդարանում ասաց ՀՀ աշխատանքի եւ սոցիալական ապահովության նախարար Արսեն Թորոսյանը։ ՔՊ-ական պատգամավորները ՔՊ-ական նախարարին հրավիրել էին խորհրդարան՝ աշխատանքային քննարկման։
Նախարարը մանրամասնեց՝ մոտ 200 հազար քաղաքացի ունեն նույնականացված, նրանցից 40-45 հազարն աշխատող են։
Թե ինչո՞ւ այս ծրագրի մասով մեծ շահագրգռություն չկա, նախարարությունն ուսումնասիրություն է իրականացրել եւ պարզել են՝ այդ քաղաքացիների մի մասը Հայաստանում չեն եւ շահագրգիռ չեն վարկային պատմությունը մաքրել, 149 հազարը փաստացի երկրում են, նրանցից 94 հազարը շարժական կամ անշարժ գույք ունեն, դրանք են արգելադրված, որոնք երբեք չեն վաճառվելու եւ մարդկանց չեն անհանգստացնում։
«Ունենք դեպք, որ մարդը 1 միլիոն դրամ աշխատավարձ է ստանում, բայց ունի 500 հազարի ժամկետանց վարկ․ կամ չգիտի, կամ էլ՝ չգիտեմ․․․»,- ասաց Արսեն Թորոսյանը։
Կարդացեք նաև
Նելլի ԳՐԻԳՈՐՅԱՆ
