ՀՀ Սահմանադրական դատարանի տեղեկագրում հրապարակվել է «Ազգային փոքրամասնությունների իրավունքները Հայաստանում. հիմնախնդիրներ և լուծումներ» վերտառությամբ գիտական հոդվածը, որը հեղինակել են Հայաստանի Հանրապետության Մարդու իրավունքների պաշտպան Անահիտ Մանասյանն ու Մարդու իրավունքների պաշտպանի օգնական Միլենա Տոնեյանը։
Աշխատանքի շրջանակում մանրամասն անդրադարձ է կատարվել այնպիսի հարցադրումների, ինչպիսիք են՝
• ազգային փոքրամասնությունների իրավունքների երաշխավորման և խտրականության բացառման համատեքստում իրավահավասարությանն առնչվող համապարփակ օրենսդրության անհրաժեշտությունը,
Կարդացեք նաև
• ՀՀ-ում ազգային փոքրամասնությունների լեզվի պահպանմանն ու կրթության իրավունքին առնչվող խնդիրները՝ վերջիններիս իրավունքների խթանման համատեքստում,
• ազգային փոքրամասնության լեզվով տեղագրական նշումները՝ որպես վերջիններիս իրավունքների խթանման կարևոր բաղադրիչ,
• ազգային փոքրամասնությունների վերաբերյալ տեղեկատվության ներառումը ուսումնական նյութերում՝ որպես տեղեկացված, հանդուրժող և համերաշխ հասարակության ձևավորման կարևորագույն նախապայման,
• ազգային փոքրամասնություններին պատկանող անձանց մշակութային ինքնության պահպանումը՝ իրավունքների խթանման համատեքստում,
• հասարակական կյանքում ազգային փոքրամասնություններին պատկանող անձանց արդյունավետ մասնակցությունը՝ որպես հավասարության և ներառականության երաշխիք։
Նշված հարցադրումների ուսումնասիրության և համապարփակ վերլուծության արդյունքում ներկայացվել են առաջարկություններ՝ ուղղված խնդիրների համակողմանի լուծմանը և ոլորտի կատարելագործմանը։
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ
ԱՇԽԱՏԱԿԱԶՄԻ ՀԱՆՐԱՅԻՆ ԿԱՊԵՐԻ ԲԱԺԻՆ
