«Պատմական համաձայնագիրը ՀՀ-ի և Ադրբեջանի միջև միջազգային աջակցության շնորհիվ նոր դուռ է բացել, որի մասին մենք խոսում ենք տասնյակ տարիներ շարունակ։ Տեսնում ենք իրական ձգտում առաջ գնալու։ Սա մեզ հույս է տալիս առ այն, որ գործընկերությունը կկառուցվի վստահության վրա։ Մենք միաձայն ու հանձնառու կերպով աջակցում ենք այս խաղաղության գործընթացին»,-«Եվրանեսթ» խորհրդարանական վեհաժողովի (Եվրանեսթ ԽՎ) 12-րդ նստաշրջանի լիագումար նիստի ժամանակ հայտարարեց «Եվրանեսթ» խորհրդարանական վեհաժողովի համանախագահ Սերգեյ Լագոդինսկին։
Նա վստահեցրեց՝ միաձայն ու հանձնառու աջակցում են խաղաղության գործընթացին։
Անդրադառնալով ՀՀ-ում ժողովրդավարությանը՝ ասաց․ «Փաշինյանը քաջալերում է խաղաղությունը, ժողովրդավարությունը նոր եղանակներով։ Ոչ մի ժողովրդավարություն էլ կատարյալ չէ։ ԵՄ-ում էլ ժողովրդավարությունը կատարյալ չէ։ Այո, կարող ենք քննադատել ՀՀ-ում ժողովրդավարության որոշ ասպեկտներ, ինչպես դուք էլ կարող եք մեր ժողովրդավարության որոշ արժեքներ քննադատել, բայց մի հստակ բան կա՝ մենք վստահում ենք ձեր ժողովրդավարությանը, ձեր երկրին ու ձեր կառավարությանը»։
Կարդացեք նաև
«Եվրանեսթ» խորհրդարանական վեհաժողովի լիագումար նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ


















































 
                         
          
          
                                    
 
                                    
                                    
                                   