– Հոկտեմբերի 27-ը պետք է բացահայտվի, որ այդ էջը փակվի: Էջը փակվել, չի նշանակում մոռանալ, թե ինչի միջով անցավ մեր երկիրը հոկտեմբերի 27-ից հետո: Մեկ օր առաջ դա պետք է բացահայտված լինի,- այսօր՝ Հոկտեմբերի 27-ի ոճրագործության 26-րդ տարելիցին, Եռաբլուրում լրագրողների հետ զրույցում ասաց ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը:
Նա նկատեց, որ այդ գործով անցնող վկաներից շատերը մահացել են, բայց կան առանցքային վկաներ, որոնք եւ՛ կան, ե՛ւ չկան. «Նրանց ներկայությունը հնարավորություն է տալիս, որ նախաքննական մարմնի 1999-ին ձեռք բերված ապացույցները նորից գտնեն իրենց ճանապարհը, որը կտանի մեզ լիարժեք բացահայտման: Խոսքը վերաբերում է Գագիկ Ջհանգիրյանի կողմից քննչական խմբի աշխատանքներին ու այն հատորներին, որոնց մեջ կարելի է տեսնել շատ բան»:
Քոչարյանի խոսքով՝ ամեն օր պետք է աշխատանք սկսենք այս չլուծված հարցերի բացահայտումով. «Հոկտեմբերի 27-ի ուղղությամբ հսկայական անելիք ունենք, այդ անելիքի հետ կապված հիմնական հսկող գործառույթներ ունի դատախազությունը: Գլխավոր դատախազ ընտրվելով՝ բոլորիս խոստացել է, որ բացահայտումը պետք է լինի բոլորիս պատվի հարցը: Ես միայն Ալիկ Հարությունյանի անունն եմ տվել, բայց էլի կան վկաներ, որոնք 1999-ի քննչական խմբի կողմից ձեռք բերված ցուցմունքների հիման վրա տալիս էին հստակ պատկերացում, թե ոնց աղավաղվեց դա, դա ուրիշ խնդիր է:
Դատաքննության փուլն էլ գնաց աղավաղման ճանապարհով: Նաեւ փախուստի մեջ է գտնվում այն դատավորը, որը դրա հնարավորությունը տվեց՝ հիմնական վկաներին չլսելով: Դատավոր Ուզունյանն է, որը լքել է Հայաստանը»:
Կարդացեք նաև
Քոչարյանն ասաց, որ Ուզունյանը քննչական մարմիններին շատ բան ունի պատմելու. «Ինչքան տարիները հեռանում են, այնքան բացահայտման հնարավորությունը փոքրանում է»:
Արփինե ՍԻՄՈՆՅԱՆ
դե չեն ֆայմում քեզ առաջարկեն հետաքննես, հետո էլ 44-օրյա պատերազմի քննության նման վերջում հաշվետնվությունը տակով կանես կգնա, գոհ ու երջանիկ գլուխ կգովաս