Լրահոս
Տեռորը սաստկանալու է
Օրվա լրահոսը

Փաշինյանի կողմը նետված անձրեւանոցը դատարանի որոշմամբ ոչնչացվել է. «Հրապարակ»

Հոկտեմբեր 17,2025 11:27

2023 թ․ ապրիլի 10-ին Նիկոլ Փաշինյանն այցելել էր Վայոց Ձորի մարզի Եղեգնաձոր համայնք: Մալիշկա բնակավայրում՝ կենտրոնական փողոցների խաչմերուկում նա փորձել էր զրուցել մարդկանց հետ: Այն ժամանակ դեռ այսքան չէր վախենում մարդկանց հետ շփվելուց, եւ նրան էր մոտեցել 48-ամյա մի կին` Նարինե Ասատրյանը, որը Քաշաթաղի շրջանից տեղահանվածներից է, թշնամուն հանձնված Քարեգահի գյուղի բնակիչներից, բազմազավակ մայր։ Տունուտեղից զրկված կինն իր բողոքն արտահայտել էր Նիկոլ Փաշինյանի ուղղությամբ անձրեւանոց նետելով, ինչը նաեւ այդ օրերին լայնորեն լուսաբանվեց:

Քննչական կոմիտեն Վայոց Ձորում տեղի ունեցած միջադեպից հետո Նարինե Ասատրյանին մեղադրանք էր առաջադրել Քրեական օրենսգրքի 44-452-րդ հոդվածի 3-րդ մասի հատկանիշներով:

Շուրջ մեկ տարի տեւած քննությունից հետո՝ 2024 թվականի ապրիլին դատավոր Միքայել Գրիգորյանը կայացրել էր որոշում․
«ՀՀ քրեական օրենսգրքի 84-րդ հոդվածի կիրառմամբ՝ Նարինե Ասատրյանի նկատմամբ ազատազրկման ձեւով նշանակված պատիժը պայմանականորեն չկիրառել՝ սահմանելով փորձաշրջան 2 տարի ժամկետով»։

Քրեական գործով իրեղեն ապացույց ճանաչված՝ Նարինեի անձնական խուզարկությամբ վերցված բալագույն անձրեւանոցը, դատարանի որոշմամբ, ոչնչացվել էր։

Աննա ՊԱՊԻԿՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2025
Երկ Երե Չոր Հնգ Ուրբ Շաբ Կիր
« Սեպ    
 12345
6789101112
13141516171819
20212223242526
2728293031