Մարդու իրավունքների պաշտպանության եւ հանրային հարցերի մշտական հանձնաժողովի նիստի օրակարգում մի քանի նախագիծ կար: Դրանցից մեկը ՀՀ ընտանեկան օրենսգրքում Երեխայի իրավունքների եւ երեխայի պաշտպանության համակարգի մասին եւ հարակից օրենքներում փոփոխությունների եւ լրացումների փաթեթն էր:
Տաթեւիկ Ստեփանյան
Աշխատանքի եւ սոցիալական հարցերի նախարարի տեղակալ Տաթեւիկ Ստեփանյանը նշեց, որ Խնամակալութան եւ հոգաբարձության հանձնաժողովների նկատմամբ բոլոր այն փոփոխությունները, որ պետք է կիրառեին ամբողջական փաթեթով, երկու տարի անց պիլոտային կարգով գործի են դրել Արարատի մարզում, այժմ պետությունը վերահաստատում է իր հսկողական գործառույթը՝ բոլոր երեխաների պաշտպանության համակարգի նկատմամբ: Նրա ձեւակերպմամբ, լիազորությունը պատվիրակման սկզբունքով հանձնարարվելու է համայնքներին, եւ պետությունը որպես երեխաների պաշտպանության համակարգի տեր՝ հանձն է առնելու մասնագիտական վերահսկողությունը: Նշենք, որ նախագծի վերաբերյալ հատուկ առաջարկություններ չեղան, եւ այն ընդունվեց միաձայն:
Ռուստամ Բաքոյան
Հաջորդը «Մարդու իրավունքների պաշտպանի մասին» Հայաստանի Հանրապետության սահմանադրական օրենքում փոփոխություններ եւ լրացումներ կատարելու մասին նախագիծն էր, որի հեղինակը հանձնաժողովի նախագահի տեղակալ Ռուստամ Բաքոյանն է: Նա ներկայացրեց, որ այս նախագծով ավելանում են մարդու իրավունքների պաշտպանի լիազորությունները: Ի թիվս այլնի՝ նախագծով հստակեցվում են նաեւ ՄԻՊ-ին փոխարինող դեպարտամենտի ղեկավարի լիազորությունները:
Մանրամասն տեսանյութում
Կարդացեք նաև
Գոհար ՀԱԿՈԲՅԱՆ
