Կիրակի, օգոստոսի 10-ին Ուկրաինայի նախագահ Վլադիմիր Զելենսկու եւ Ադրբեջանի նախագահ Իլհամ Ալիևի միջեւ կայացած հեռախոսազրույցից հետո, որի ընթացքում երկու առաջնորդները դատապարտել են այն, ինչը Ադրբեջանի նախագահի աշխատակազմը որակել է որպես Ռուսաստանի «դիտավորյալ ավիահարվածներ»՝ Ուկրաինայում գտնվող ադրբեջանական պետական SOCAR ընկերության կողմից շահագործվող նավթամբարի վրա, այսօր Ադրբեջանի նախագահը, ըստ ադրբեջանական լրատվամիջոցների, համապատասխան հանձնարարական է ստորագրել, որով Ադրբեջանը Ուկրաինային կհատկացնի եւս 2 մլն դոլարի հումանիտար օգնություն:
Հիշեցնենք, որ երեկ Զելենսկին նաև շնորհավորել էր Ալիևին եւ Ադրբեջանի ժողովրդին՝ Բաքվի և Երևանի միջև ձեռք բերված համաձայնությունների կապակցությամբ, որոնք, նրա խոսքով, ձեռք են բերվել ԱՄՆ նախագահ Դոնալդ Թրամփի օգնությամբ։
