Կալիֆորնիայի հայկական օրենսդրական կոմիտեի հիմնադրամի նամակը ԱՄՆ նախագահին
Հարգարժան Դոնալդ Ջ. Թրամփ,
Ամերիկայի Միացյալ Նահանգների նախագահ
Հարգելի պարոն նախագահ,
Կալիֆորնիայի հայկական օրենսդրական կոմիտեի հիմնադրամը ցանկանում է անդրադառնալ, որ Հայոց ցեղասպանության 110-րդ տարելիցի կապակցությամբ Ձեր հայտարարության մեջ բացակայում էր «ցեղասպանություն» բառը:
Կարդացեք նաև
Հայերի համար «ցեղասպանություն» բառի օգտագործումը չափազանց կարևոր է՝ ընդունելու այն ոճրագործությունները, որոնք տեղի են ունեցել 1.5 միլիոնից ավելի հայերի համակարգված ոչնչացման հետևանքով: Ձեր կողմից «Մեծ Եղեռն» եզրույթի օգտագործումը նույնը չէ, ինչ այն ընդունելը, որ սա ցեղասպանություն էր: 1915 թվականին տեղի ունեցած ոճրագործությունները կատարվել են օսմանյան թուրքերի կողմից, իսկ ներկայում հայերի դեմ կատարվող ոճրագործությունները կրկին իրականացվում են թուրքերի և ադրբեջանցիների կողմից: Նրանք, ովքեր ոճրագործություններ են իրականացրել հայերի դեմ անցյալում և ներկայում, նույն մարդիկ են, ովքեր այսօր ժխտում են Ցեղասպանությունը: Ցեղասպանությունը հայերի զանգվածային սպանությունների և տեղահանությունների հիմնավոր սահմանումն է: Չօգտագործելով «ցեղասպանություն» բառը՝ Դուք ձախողում եք պատմական արդարություն ապահովելը:
Կալիֆորնիան ԱՄՆ-ում հայ ամերիկացիների ամենամեծ թվով բնակավայրն է: Անցած շաբաթ մենք կանգնեցինք երկկուսակցական սենատորների և ասամբլեայի անդամների կողքին՝ ընդունելու և հիշելու Հայոց ցեղասպանությունը: Ինչպես Կալիֆորնիայի և այլ 50 նահանգների ու ավելի քան 35 երկրների պարագայում, մենք հաստատում ենք, որ Հայոց ցեղասպանությունը տեղի է ունեցել և արժանի է հիշատակման:
Մենք ընդունում ենք Հայոց ցեղասպանության տառապանքը՝ վերահաստատելու համար մեր հավաքական պարտավորությունը՝ դեմ կանգնելու ապագա էթնիկ զտումներին և ցեղասպանություններին, և խնդրում ենք, որ Դուք նույնպես անեք դա:
Ջոն Հարաբեդյան, Սաշա Ռենե Փերեզ, Ջեսիկա Կալոզա, Նիք Շուլց, Դեյվիդ Տանգիպա
Մամուլի հաղորդագրություն
