Քիչ առաջ Գյումրու ամենակենտրոնական հատվածներից մեկում` Գարեգին Նժդեհ փողոցում` Շիրակի մարզպետարանի ու մարզային ոստիկանության շենքերի մոտակայքում գտնվող խաչմերուկում խոշոր ավտովթար է տեղի ունեցել. բախվել են «Կամազ», «Mercedes», «Ford Transit», «Opel» և «ԳԱԶ 3110» մակնիշի ավտոմեքենաները:
Գյումրու հրշեջ փրկարարական ջոկատի հաշվեկշռում հաշվառված «Կամազ» մակնիշի մեքենան կողաշրջվել է։
Կա մեկ զոհ՝ «Ford Transit»֊ի 34-ամյա վարորդն է։ 4 հոգու տեղափոխել են հիվանդանոց։
Կարդացեք նաև
Ահազանգով դեպքի վայր մեկնող փրկարար ծառայության ավտոմեքենայի մասնակցությամբ ավտովթարի կապակցույամբ ՆԳՆ փրկարար ծառայությունը հայտնում է.
«Ապրիլի 29-ին՝ ժամը 10։13-ին, Ճգնաժամային կառավարման ազգային կենտրոն տեղեկություն է ստացվել, որ Շիրակի մարզի Գյումրի քաղաքի Գարեգին Նժդեհի փողոցի թիվ 13 հասցեի մոտակայքում բախվել է 5 տրանսպորտային միջոց՝ «Ford», «Opel», «Gaz», «Mercedes-Benz» և ահազանգով դեպքի վայր մեկնող փրկարար ծառայության ավտոմեքենան։
Ճանապարհատրանսպորտային պատահարի հետևանքով վեց անձ, այդ թվում՝ երեք փրկարարական ծառայող, տեղափոխվել է բժշկական հաստատություններ։
«Ford» մակնիշի ավտոմեքենայի վարորդը, ստացած մարմնական վնասվածքների հետևանքով, մահացել է։
Դեպքի առթիվ նախաձեռնվել է քրեական վարույթ։
Հանգամանքները նախաքննությամբ պարզվում են»։
Նունե ԱՐԵՎՇԱՏՅԱՆ
