«Ողջ մամուլն այսօր լցված էր պատգամավորներին ուղղված վարչապետի իմփիչմենթի գործընթաց սկսելու առաջարկ անող նամակների թեմայով։
Գիտե՞ն արդյոք այս նախաձեռնության հեղինակները, որ իմփիչմենթը ձախողելու է։ Միանշանակ՝ ԱՅՈ։ Քանի որ նախագծի ընդունման համար 107 պատգամավորից առնվազն 54-ը պետք է կողմ քվեարկի, իսկ ընդդիմադիր 2 խմբակցությունն ունի 34 պատգամավոր, այդ թվում՝ տևական ժամանակ անհետ կորած Մարտուն Գրիգորյանը։
Ուրեմն ինչո՞ւ են իրենց ընդդիմադիր դաշտում դիրքավորած խորհրդարանական 2 ֆրակցիաներին փաստի առաջ կանգնեցնում։
Բանն այն է, որ մեկ տարի հետո ընտրություններ են, սա ընդամենը քարոզչական արշավ է՝ ուղղված սեփական ներկայությունն ապահովելուն և առաջիկա ընտրություններին ընդդիմադիր դաշտում հավակնություն ցույց տալուն՝ դառնալու առաջին ընդդիմադիրը։
Կարդացեք նաև
Ինչպես տեսնում եք` սա իրենց կինոն է, մենք չմտնենք «մատի ու մատանու արանքը»։ Թող իրարից ձայներ խլեն, իրար մեջ պայքարեն՝ 2-րդ, 3-րդ, թե 10-րդ տեղը զբաղեցնելու համար։
Չստացված իմփիչմենթի գործընթացից հետո մեզ կմնա միայն «լակմուսի թղթի» էֆեկտով մի պարզ արձանագրում՝ Հայաստանում չկա վարչապետ Նիկոլ Փաշինյանին անվստահություն հայտնելու օրակարգ»։
ՀՀ ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյան
