Ըստ «Մեհր» լրատվական գործակալության, ԻԻՀ նախագահ Մասուդ Փեզեշքիանը Իրանի և Ադրբեջանի Հանրապետության բարձրաստիճան պատվիրակությունների հանդիպման ժամանակ իր գոհունակությունը հայտնելով Բաքվում գտնվելու համար, ասել է.
«Պատիվ է ինձ համար գտնվել Ադրբեջանի Հանրապետությունում և մասնակցել եղբայրական ու բարեկամ երկրի պաշտոնյաների հավաքին: Հուսով եմ, որ այս այցը և նախորդ փորձագիտական հանդիպումների արդյունքում ձեռք բերված համաձայնությունները կլինեն ավելի մեծ քայլերի սկիզբ երկու երկրների միջև հարաբերությունների զարգացման ճանապարհին»:
ԻԻՀ նախագահը, վկայակոչելով Իրանի և Ադրբեջանի ժողովուրդների միջև պատմական, մշակութային և ընտանեկան կապերը, հավելել է. «Այս կապերը հիմք կհանդիսանան տարածաշրջանային համագործակցության ընդլայնման համապատասխան ուղի ձևավորելու համար»:
Փեզեշքիանը, փոխանցելով Իրանի Գերագույն առաջնորդի ջերմ ողջույնները Ադրբեջանի պաշտոնյաներին, նշել է. «Իրանի Իսլամական Հանրապետությունը միշտ շեշտել է Ադրբեջանի ժողովրդի իրավունքների աջակցությունը և հավատում է, որ Ղարաբաղի տարածաշրջանը Ադրբեջանի Հանրապետության տարածքի անբաժանելի մասն է»:
Կարդացեք նաև
ԻԻՀ նախագահը իրանական պատվիրակության ներկայությունը Բաքվում համարել է երկու երկրների լուրջ վճռականության նշան՝ ամրապնդելու կապերը, ուժեղացնելու միասնությունը և ընդլայնելու համախմբվածությունը Իրանի և Ադրբեջանի Հանրապետության միջև:
Հանդիպման շարունակության ընթացքում Ադրբեջանի Հանրապետության նախագահ Իլհամ Ալիևը, ողջունելով իրանական պատվիրակությանը, ասել է. «Այս այցը պատմական տեսանկյունից շատ կարևոր այց է: Առանձնազրույցների և անհատական հանդիպումների ժամանակ մենք քննարկեցինք բազմաթիվ հարցեր»:
Նա ավելացրեց. «[Հանդիպումների ժամանակ] մենք շեշտեցինք բոլոր ոլորտներում հարաբերությունների զարգացումը, և անշուշտ, այս հարաբերությունների զարգացումը կծառայի երկու [երկրների շահերին]»:
