Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան իր էջում տեսանյութ է տեղադրել և կից գրառմամբ նշել.
«Էս փոքր ժամանակ հեծանիվ չունեցածների վրա ծառայողական մեքենա չի գալիս:
Երեկ, կիրակի օրով, Սուրեն Պապիկյանի՝ մեր բոլորի հարկերով գնված ծառայողական շքեղ ինքնագնացը մխրճվել է կայանված մեքենաների մեջ:
Հ.Գ. Տեսանյութը ստացել եմ ՖԲ անհայտ հետևորդից, եթե սուտ է , թող հերքեն, բայց ոչ թե արծրունոտ հայտարարությամբ, այլ ռեալ ապացույցով»:
Կարդացեք նաև
ՊՆ-ից հերքում են՝ Սուրեն Պապիկյանի մասնակցությունը վթարին: Ֆեյսբուքյան գրառմամբ ՀՀ ՊՆ մամուլի քարտուղարը հայտնում է.
«Մամուլում շրջանառվում են ՊՆ հաշվեկշռում գտնվող մեքենայի մասնակցությամբ վթարի տեսանյութ և մեկնաբանություններ, ըստ որի՝ իբր վթարը տեղի է ունեցել ՀՀ պաշտպանության նախարար Սուրեն Պապիկյանի մասնակցությամբ:
Նշված տեղեկությունները կեղծ են, պաշտպանության նախարարը նշված մեքենայում չի եղել, ավելին՝ նշված ժամին Սուրեն Պապիկյանը գտնվել է տանը»:
