Ապրիլի 30-ին Պերուում մեկնարկող ծանրամարտի պատանիների եւ երիտասարդների աշխարհի առաջնությունում Հայաստանը ներկայացված է լինելու յոթ մասնակցով (2 աղջիկ եւ 5 տղա):
Մայրաքաղաք Լիմայի մրցահարթակում մեդալների համար կպայքարեն:
Աղջիկներ. 55 կգ քաշային Ալեքսանդրա Գրիգորյան, 81 կգ՝ Էմմա Պողոսյան:
Տղաներ. 67 կգ՝ Հովհաննես Հովհաննիսյան, 81 կգ՝ Նարեկ Մկրտչյան, 89 կգ՝ Վալերի Մովսիսյան, 96 կգ՝ Գրիգոր Ղազարյան, +102 կգ՝ Հարություն Հովակիմյան:
Կարդացեք նաև
Հայաստանի ծանրամարտի ֆեդերացիան տեղեկացնում է, որ երիտասարդների հավաքականի մարզիչներն են Մելիք Ղուկասյանը եւ Դավիթ Մուրադյանը, պատանիներինը՝ Երվանդ Կիրակոսյանը, իսկ աղջիկների ընտրանու մարզիչը Տարոն Թովմասյանն է: Հայաստանի պատվիրակության ղեկավարը ֆեդերացիայի նորընտիր գլխավոր քարտուղար Սամվել Գասպարյանն է:
Աշոտ ՀԱԿՈԲՅԱՆ
