«Փասադենայում մենք միասնական ենք մեր հայ եղբայրների և քույրերի հետ: Հարգանքի տուրք ենք մատուցում զոհվածների հիշատակին:
Եվ վերահաստատում մեր հավաքական պատասխանատվությունը՝ ասել ճշմարտությունը, պայքարել ժխտողականության դեմ և ապահովել, որ նման վայրագություններն այլևս երբեք չկրկնվեն»,- Փասադենայի քաղաքապետ Վիկտոր Գորդոն քաղաքային խորհրդի նիստում անցյալ շաբաթ հրապարակել է Հայոց ցեղասպանությունը ճանաչող հռչակագիր՝ ընդգծելով, որ մարդկային պատմության այս էջը երբեք չպետք է մոռացվի:
«Թող այս հիշողությունը լինի ավելին, քան անցյալի արտացոլումը, թող սա լինի արդարության, կարեկցանքի և հարատև խաղաղության վրա հիմնված ապագա կառուցելու կոչ», – քաղաքային խորհրդի նիստում նշել է քաղաքապետը և հավելել, որ քաղաքային խորհրդի անունից 2025 թվականի ապրիլի 24-ը Փասադենայում հռչակում է Հայոց ցեղասպանության հիշատակի օր:
Փասադենայի հայ համայնքը սկսել է ձևավորվել 20-րդ դարի սկզբին։ Մինչև 1923 թվականը քաղաքում առնվազն 2500-3000 հայ էր ապրում, որոնցից շատերը ցեղասպանությունից փրկվածներ էին:
Կարդացեք նաև
