«Քաղաքացու որոշում» կուսակցության գործադիր մարմնի նախկին քարտուղար Սուրեն Սահակյանի ֆեյսբուքյան գրառումը
Ադրբեջանցիք հերթական անգամ կրակել են Խոզնավար գյուղի ուղղությամբ ու փամփուշտներից մեկը կոտրել ա տներից մեկի ապակին։ ՊրոՔՊ-ական «լրատվամիջոցներից» մեկը գրել ա, թե դա «Ջահերով երթի» ժամանակ վառած դրոշի փաստին թուրքերի պատասխանն է։
Դեռ մի կողմ թողնենք, որ ՔՊ-ի պրոպագանդան չի դադարում հայության նկատմամբ (Հայոց ցեղասպանությունից սկսած մինչև Արցախի հայաթափում ու Խոզնավարի դեպքը) թուրքերի իրականացրած հանցանքների արդարացման, դրանցում զոհին՝ մեզ, մեղադրելու քաղաքականությունը։
Երբ ՀՀ ՊՆ-ն սկսեց հայկական գյուղերի նկատմամբ ադրբեջանական ագրեսիան կոծկելու քաղաքականություն վարել (թե իբր մեզ վրա չեն կրակում, այլ օդ են կրակում), ես ամեն օր սպասում էի, թե երբ են սկսելու նենց տեղեր կրակել, որ երևա՝ հենց լա՛վ էլ գյուղերի վրա են կրակում՝ ծաղրածուի կարգավիճակ «շնորհելով» ՀՀ ՊՆ-ի էդ հերքողներին (կարդա՝ ՔՊ-ին)։ Ու արեցին։
Կարդացեք նաև
Առաջին դեպքը մի քանի օր առաջ էր, երբ տներից մեկի տանիքին տեղադրած ջրատաքացուցիչին էին կրակել։ Ու էդ դեպքում ոչ ոք դեռ դրոշ չէր վառել։
Կարելի՞ է հետևություն անել, որ արդեն բուն տների վրա կրակոցները եղել են ՊՆ հերքումների, այսինքն՝ ջայլամային քաղաքականության հետևանք։ Իհարկե՛, դա ավելի տրամաբանական է։ Ավելին, կարծում եմ՝ դա ոչ միայն տրամաբանական է, այլև ճշմարտություն է։
