Այսօր վաղ առավոտից Ծիծեռնակաբերդի հուշահամալիր տանող ճանապարհները փակ են եղել քաղաքացիների համար։ Ոստիկանները հուշահամալիր բարձրացող քաղաքացիներին թույլ չեն տվել տեղաշարժվել՝ նշելով, որ ժամը 10։00-ից կարող են այցելել Ծիծեռնակաբերդ։ Հիմնավորումն այն է եղել, որ Նիկոլ Փաշինյանն ու կառավարության անդամներն են առավոտյան այցելել Ծիծեռնակաբերդ։
Այս սահմանափակումը զայրացրել է քաղաքացիներին։ «Նիկոլն ու ՔՊ-ականները մեզնից ինչո՞վ են առավել։ Ոստիկաններն ասում են՝ մեր ճանապարհը փակել են, որովհետեւ կառավարությունն է եկել։ Կառավարության անդամները բոլորը հակահայկական գործիչներ են»,- դժգոհեց քաղաքացիներից մեկը։
«Պատճառն ի՞նչ է, որ ճանապարհը փակել եք, վարչապետը գա գնա, հետո նոր մենք գնանք, հա՞»,- ոստիկաններին հարցրեց մեկ այլ քաղաքացի։
ԱՄՆ-ից Հայաստան ժամանած քաղաքացին էլ ասաց․ «Ամերիկայեն հոս ենք եկել, որ մասնակցինք, դժբախտաբար, առիթը չտրվեցավ, ճանապարհը փակել են»:
Կարդացեք նաև
Ռոզա ՀՈՎՀԱՆՆԻՍՅԱՆ
