«Զիջումը երբեք չի կարող քաղաքականություն լինել։ Զիջումը, երբ շարունակական քաղաքականություն է լինում՝ վերջանում է ինքնասպանությամբ»,- Հանրապետության հրապարակից դեպի Ծիծեռնակաբերդի հուշահամալիր ՀՅԴ-ի երիտասարդական կառույցի կազմակերպած ջահերով երթից առաջ, լրագրողների հետ զրույցում ասաց ՀՅԴ բյուրոյի նախկին ներկայացուցիչ Հրանտ Մարգարյանը։
Նա նկատում է, երբ Նիկոլ Փաշինյանը խոսում էր Արցախի հարցում նշաձողն իջեցնելու մասին՝ ՀՅԴ-ն դեմ էր եւ ոչ այն պատճառով, որ առհասարակ դեմ են զիջումներին, այլ կարծում են, որ զիջումները պետք է լինեն երկկողմանի, համաչափ։
«Հիմա մենք ինքնասպանության վիճակի մեջ ենք, գրեթե սատկել ենք, գուցե՝ մեռել ենք»,- ասաց ՀՅԴ-ական գործիչը։
Հրանտ Մարգարյանը բնական է համարում ընդդիմությունից հասարակության դժգոհությունը, քանի որ խոստացել են իշխանությանը հեռացնել եւ չի հաջողվել դա անել մինչ օրս։ Բայց վստահեցնում է՝ «Մի գեղեցիկ առավոտ կարթնանաք եւ կտեսնենք, որ վերջնարդյունքը գրանցված է»։
Կարդացեք նաև
Ինչ վերաբերվում է Ցեղասպանության ժխտումը քրեականացնելը խստացնող նախագիծ շուրջ տեղի ունեցածին էլ, նա համարում է հետեւանք նրա, որ կասկածի, քննության տակ է առնվում Ցեղասպանության հարցը։
Մանրամասները՝ տեսանյութում
Նելլի ԳՐԻԳՈՐՅԱՆ
