Արցախի հերոս Դավիթ Առուշանյանի մայրը՝ Լիդա Առուշանյանն այսօր, դեպի Ծիծեռնակաբերդի հուշահամալիր ՀՅԴ-ի երիտասարդական կառույցի կազմակերպած ջահերով երթից առաջ, լրագրողների հետ զրույցում, արցախցիներին կոչ արեց միասնական լինել համատեղ պայքարել ՀՀ գործող իշխանության ուրացման քաղաքականության դեմ։ Նա հորդորում է մարդկանց՝ դուրս գալ փողոց եւ վաղը՝ համատեղ ջանքերով թույլ չտալ, որ Նիկոլ Փաշինյանն այցելի Ծիծեռնակաբերդի հուշահամալիր։
Հայոց Ցեղասպանությունը մոռանալու պատրաստակամություն հայտնած Նիկոլ Փաշինյանին զգուշացնում է՝ գրություն է դրել զոհերի հիշատակը հավերժացնող հուշակոթողի ծաղիկների տակ՝ «վերցրու՝ կարդա» նաեւ ասում է՝ եթե ՀՀ իշխանությունը չփոխի իր քաղաքականությունը, «վաղը մի արցախցի պապիկ խնձորի փոխարեն նռնակ է նետելու» իշխանավորների վրա։
Զոհվածի մայրը խոսք ունի նաեւ ուրացումը լուռ ընդունող մտավորականներին․ «Հիշեք Թաքսիմ հրապարակը, 1915 թվականի հունիսի 15-ը»։ Այդ օրը երիտթուրքական կառավարությունը Ստամբուլի հրապարակում կախաղան բարձրացրեց 250 հայ մտավորականների։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
