«Հայաստան» խմբակցությունն ԱԺ է ներկայացրել օրենքի նախագիծ, որով նախատեսվում է քրեական պատասխանատվություն սահմանել Հայոց ցեղասպանության ուրացման կամ նսեմացման համար: Երբ ԱԺ ՔՊ-ական պատգամավոր Բաբկեն Թունյանը մոտեցավ ամբիոնին, մի պահ ԱԺ-ում իրավիճակը լարվեց:
Լեզվակռիվ սկսվեց ԱԺ նախագահ Ալեն Սիմոնյանի եւ ԱԺ «Հայաստան» խմբակցության պատգամավոր Արծվիկ Մինասյանի միջեւ: Ալեն Սիմոնյանը սկսեց հեգնել դաշնակցականներին:
Սիմոնյան. – Ակնհայտ ներքին վեճ ունեք դուք: Դե դուք ձեր մեջ ներքին վեճ ունեք, դաշնակցականներով, «Հայաստան» դաշինքի մնացած անդամներն էլ պլեն են ընկել էս խոսակցությանը:
Կարդացեք նաև
Մինասյան. – Կա՛մ միկրոֆոնը միացրեք մենք էլ խոսենք, կա՛մ դադարեցրեք մեկնաբանությունները:
Սիմոնյան. – Չէ, չեք կարա, չեք կարա: Է տեղից անընդհատ խոսում եք, տեղից անընդհատ խոսում եք, տեղից անընդհատ խոսում եք, ի՞նչ ա ըլնում որ:
Մինասյան. – Ձեր արածի իմաստը ո՞րն ա:
Սիմոնյան. – Նստեք, նստեք, նստեք … կանգնի, դու էլ նստած մնա … նախ, դու-ով խոսա, երիտասարդ, երիտասարդ, լսի, երիտասարդ, դու-ով խոսա, լսո՞ւմ ես, լսո՞ւմ ես, նստի տեղդ, հանգստացի, հանգստացի…
Պատգամավորները տեղերից վեր կացան ու բանավեճը բառայինից փոխվեց գործողությունների, պատգամավորներից ոմանք փորձեցին երկու կողմերին էլ հանդարտեցնել, «Հայաստան» խմբակցության պատգամավորների հետ հրմշտոցին մասնակցած պատգամավորներից մեկը ՔՊ-ական Վահե Ղալումյանն էր:
Ալեն Սիմոնյանը հրահանգեց անջատել ուղիղ եթերը եւ հայտարարվեց 20 րոպե ընդմիջում:
Գոհար ՀԱԿՈԲՅԱՆ
