Արցախի նախագահ Սամվել Շահրամանյանը Երեւանում Արցախի ներկայացուցչությունում դռնփակ հանդիպում է ունենում արցախցիների խմբի հետ։
Ապրիլի 18-ին արցախցիները՝ արցախցի գործիչ Արթուր Օսիպյանի գլխավորությամբ, հավաքվել էին Երեւանում Արցախի ներկայացուցչության դիմաց՝ պահանջելով, որպեսզի Արցախի նախագահ Սամվել Շահրամանյանն իրենց պատասխան տա արցախցիներից թալանված գումարների վերադարձի վերաբերյալ, գնա Գլխավոր դատախազություն եւ ճշտի, թե ինչո՞ւ չեն արագացնում հարուցված քրեական գործի քննությունը։
Սամվել Շահրամանյանն ասել էր, որ ինքն էլ է շահագրգռված, որպեսզի Արցախի Ներդրումային հիմնադրամի վերաբերյալ գործը շուտ բացահայտվի։ Նա հիշեցրել էր, որ 2023 թվականի նոյեմբերին 8-ին ինքն անձամբ է ՀՀ գլխավոր դատախազին դիմել է համապատասխան գրությամբ՝ խնդրելով ձեռնարկել գործուն քայլեր ու դրանց տալ իրավական գնահատական։
Շահրամանյանը նաեւ խոստացել էր, որ այսօր կընդունի արցախցիներին ու նրանց հետ կքննարկի հետագա անելիքները։
Կարդացեք նաև
«Խումբ ենք ձևավորել եւ այսօր հանդիպում ենք նախագահի հետ։ Քննարկում ենք անում, թե ինչ ձեւաչափով ենք ներկայանալու դատախազություն»,- նախքան քննարկման մեկնարկը՝ լրագրողներին ասաց արցախցի Նահապետ Սարգսյանը։
Ռոզա ՀՈՎՀԱՆՆԻՍՅԱՆ
