Իրանագետ Արտյոմ Տոնոյանն իր տելեգրամյան ալիքում գրում է․
Զատիկը և Ալիևի շնորհավորական ուղերձը
Ադրբեջանում կա արդեն ձևավորված մի զուտ արարողակարգային ավանդույթ, երբ Ալիևները շնորհավորում են Ադրբեջանի քրիստոնյաներին՝ Զատկի տոնի առթիվ։
Այս տարին էլ չի եղել բացառություն։
Կարդացեք նաև
Այդ շնորհավորանքներում կա մի հետաքրքիր դրվագ, որին կարծեմ թե առանձնահատուկ ուշադրություն չի դարձվել, բայց դա արժանի է ուշադրության։
Ալիևի շնորհավորական տեքստերում թեև գործածվում են միայն ընդհանրական «Ադրբեջանի քրիստոնյաներ», «քրիստոնեական համայնք» արտահայտությունները, սակայն հրապարակումը առաջնորդող ներածականում միշտ լինում է մի մասնավորեցում, որն ունենում է հետևյալ տեսքը. «Նախագահ Իլհամ Ալիևը Զատկի տոնի կապակցությամբ շնորհավորական ուղերձ է հղել Ադրբեջանի ուղղափառ քրիստոնեական համայնքին»։
Տեքստի այս ներածական մասը նույնությամբ կրկնվում է և՛ Ալիևի պաշտոնական կայքում, և՛ «Xalq Qəzeti» պաշտոնական օրաթերթում։
Ու թեև Ալիևի շնորհավորական տեքստում քանիցս գործածվում են «կրոնական հանդուրժողականություն», «համերաշխանություն» և այսօրինակ բառեր ու արտահայտություններ, այնուամենայնիվ փաստացիորեն շնորհավորանքը չի վերաբերում հայերին (իրենց խոսքերով միայն Բաքվում թվով 30.000 հայ կա), ուդիներին և նաև որոշ այլ քրիստոնեական համայնքներին, որոնք ունեն Ադրբեջանում պաշտոնական գրանցում և գրասենյակային հասցե։
Ալիևի շնորհավորական ուղերձի հասցեատերերը փաստացիորեն մնում են միայն Ադրբեջանում բնակվող ռուսները (մոտ 80.000), թերևս նաև փոքրաթիվ ուկրաինական համայնքը և արևելաեվրոպական երկրների մի քանի հարյուր քաղաքացիները (լեհեր, բուլղարներ և այլք)։
Ադրբեջանում պաշտոնապես գրանցված քրիստոնեական բոլոր համայքների ամբողջական ցանկը կտեղադրվի առաջիկա գրառումներից մեկում։
