«Ուրախ եմ, որ Մոսկվայում 80-ամյակի միջոցառմանը լինելու են շատ երկրների լիդերներ՝ հատկապես ԱՊՀ անդամ պետությունների ղեկավարներ։ Ինձ համար տխուր ու ցավալի է, որ ՀՀ-ին ներկայացնելու է մի մարդ, որը ոչ հաղթանակի հետ կապ ունի, ոչ հպարտության, ավելի շատ կապիտուլյացիայի ու պարտվողականության խորհրդանիշ է։ Ինձ համար ցավալի ու տարօրինակ է, որ այնտեղ լինելու է նաև մեկը, որն ավելի շատ նեոֆաշիզմի ներկայացուցիչն է՝ ի դեմս Ադրբեջանի նախագահի։ Հուսով եմ՝՝ 85-ամյակն այդ իմաստով այլ կլինի»,- «Հայ ժողովրդի ավանդը Երկրորդ աշխարհամարտում ֆաշիզմի դեմ տարած հաղթանակում» կլոր սեղանի ժամանակ հայտարարեց ՀՀԿ ԳՄ անդամ, քարոզչական հանձնաժողովի նախագահ Արտակ Զաքարյանը։
Նա փաստեց՝ մենք երբեք իրավունք չունենք մոռացության մատնելու այդ կարևորագույն իրադարձությունը՝ Հայրենական Մեծ պատերազմը․ «Պետք է դրանից դասեր քաղենք, որովհետև հայ ժողովրդի, մեր պապերի մասնակցությունը և ներդրման մասին մենք չէ, որ ասում ենք։ Դրա մասին խոսում է խորհրդային պատմագրությունը, համաշխարհային պատմությունը։ Ֆաշիզմի դեմ տարած հաղթանակում հաղթել է նաև գերմանացի ժողովուրդը, քանի որ նրանք էլ են ազատագրվել ֆաշիզմից։ Այսօր էլ քաղաքական նշանակությունը շատ կարևոր է։ Մայիսի 9-ը եվրոպացիները նշում են նաև Եվրոպայի ազատագրման օր։ Նաև Եվրոպան է կարողացել ազատագրվել ֆաշիզմի ճիրաններից։ Հույս ունենք, որ այն որևէ տեղ այլևս կրկնություն չի ունենալու»։
Կարդացեք նաև
Տաթև ՀԱՐՈՒԹՅՈՒՆՅԱՆ
