Փաստաբան Սոս Հակոբյանի ֆեյսբուքյան գրառումը
Ալեն Սիմոնյանը իմ վստահորդներ՝ «Մեդիահաբ» ՍՊԸ և Վահե Մակարյան հրաշալի զույգին դատի տալու արդեն պառլամենտական ավանդույթ դարձած գործում չի սահմանափակվել միայն իր ընտանիքին սպասարկող Toyota Prado ավտոմեքենայի մասին հոդվածի թեմայով։
Առկա է նաև մեկ այլ հայցադիմում, որը մեծապես վերաբերում է Ռուսաստանի հասցեին անորակ և բացասական խոսքեր ասելու առիթով Նիկոլ Փաշինյանի կողմից իր վրա շան լափ թափելու, Արսենյանի նախատինքին արժանանալու մասին «Ժողովուրդ» օրաթերթի կատարած հրապարակման թեման արծարծող լրատվական հոդվածին:
Այսինքն, սա (ԱԺ-ում Վահե Մակարյանի հետ վեճի և հավատարմագրումը դադարեցնելու գործն էլ հաշված) Ալեն Սիմյոնյանի հետ կապված 4-րդ դատական գործն է, որոնցում ես ներկայացնում եմ «Մեդիահաբի» և/կամ լրագրող Վահե Մակարյանի շահերը։
Կարդացեք նաև
Այնուամենայնիվ, հայտնի չի, թե ինչու (էլ. դատավարության համակարգով գործերում դատական որոշումները datalex.am -ում չեն հրապարակվում) վերջին երկու թարմ գործերով դատարանը արդեն երկրորդ անգամ վերադարձնում է Ալեն Սիմոնյանի հայցադիմումները…
Հետաքրքիր իրավիճակ է, որովհետև երկրորդ անգամ նույն սխալները ուղղելու հնարավորություն դատարանը ըստ դատավարական օրենսդրության չպետք է տա հայցվորին, բացառությամբ այն դեպքերի, երբ այդ խախտումները վերացնելու հնարավորությունից հայցվորը զրկված էր իր կամքից անկախ պատճառներով…
Տեսնենք, թե ինչ կանի դատարանը և ինչու…
Նկարի մեջ՝ հայտարարությունների և իրական կյանքի հակասություններն են ըստ ԱԲ-ի
