Հայաստանի առաջին հանրապետության կործանման պատճառը թուրք-բոլշեւիկյան համագործակցությունն էր, որը ձեր համար դաս չի եղել․ խորհրդարանում, Հեռուստատեսության և ռադիոյի հանձնաժողովի 2024 թվականի տարեկան հաղորդման ներկայացման ժամանակ, իր ելույթում ասաց «Հայաստան» խմբակցության պատգամավոր Արծվիկ Մինասյանը։
Դիմելով ՔՊ-ականներին՝ Արծվիկ Մինասյանն ասաց․ «Երբ ասում ենք՝ օգտվեք այն դասերից, որ մենք ստացել ենք թուրքերի հետ հարաբերություններ կառուցելուց, աչքներս չռած նաեւ Եվրոպայի վրա հույսեր դնելուց, դուք ոչ միայն չեք օգտվում, կատարում եք եռակի, քառակի ավելի խորը ու համապարփակ՝ էն անտերի մեջ հայտնվելու գործողություն, որի պատճառով երկիրն ու ժողովուրդը կանգնեցնում եք կործանման փաստի առաջ»։
Նա նաեւ նկատեց, որ ՔՊ-ականները սա անում են առանձին էնտուզիազմով, փորձելով ապացուցել, որ հայ ժողովուրդը պետություն, պետականություն կառուցելու ունակություն չունի, անպայման պետք է ինչ-որ մեկին ծառայի, այդ թվում նաեւ՝ թուրք-ադրբեջանական տանդեմին։
«Դուք Գյումրվա՝ ձեր 50+1 տոկոսի չհաղթահարելն ավելի ծանր եք տանում, քան Արցախի կորուստը, քան 44-օրյա պատերազմը»,- հայտարարեց ընդդիմադիր պատգամավորը՝ իշխանությանը մեղադրելով Գյումրիում ընտրված ընդդիմադիրների նկատմամբ ատելության խոսք տարածելու, Գյումրիում հաղթածների նկատմամբ թշնամական վերաբերմունք արտահայտելու մեջ։ Թիրախավորելով արցախցիներին, Արցախը, ըստ Արծվիկ Մինասյանի, իշխանության նպատակը հայ ժողովրդի դիմադրողականությունը ոչնչացնելն է։
Կարդացեք նաև
Մանրամասները՝ տեսանյութում.
Նելլի ԳՐԻԳՈՐՅԱՆ
