Կառավարությունն այսօրվա նիստում ընդունեց «Հայաստանի ազգային ագրարային համալսարան» հիմնադրամի ռեկտորի ընտրության արդյունքները հաստատելու մասին որոշումը։
ԿԳՄՍ նախարար Ժաննա Անդրեասյանը հիշեցրեց, որ 2025 թվականի մարտի 19-ին տեղի է ունեցել «Հայաստանի ազգային ագրարային համալսարան» հիմնադրամի ռեկտորի թափուր պաշտոնը զբաղեցնելու համար մրցույթ, որին մասնակցելու համար գրանցվել էր չորս հավակնորդ՝ Արևիկ Ազիզյանը, Հրաչյա Զաքոյանը, Հայկ Ղազարյանն ու Սոնա Ծառուկյանը: Նիստին մասնակցել են հոգաբարձուների խորհրդի 20 անդամները: Ռեկտորի ընտրությունը կայացել է մեկ փուլով, որի արդյունքում հոգաբարձուների խորհրդի անդամների գաղտնի քվեարկությամբ՝19 կողմ, 0 դեմ ձայներով տնտեսագիտության թեկնածու, դոցենտ Հրաչյա Զաքոյանն ընտրվել է Հայաստանի ազգային ագրարային համալսարանի ռեկտորի պաշտոնում՝ 5 տարի ժամկետով:
Հրաչյա Զաքոյանը ներկա էր կառավարության նիստում, նա ասաց, որ աշխատանքը ստանձնել է՝ պատկերացնելով դրա եւ բարդությունը, եւ պատասխանատվությունը։ «Համաձայնել եմ ստանձնել այս պարտավորությունը՝ նաեւ նկատի ունենալով մի շատ կարեւոր հանգամանք, որ Ագրարարային համալսարանն ագրոպարենային ոլորտի մասնագետներ պատրաստող միակ բուհն է հանրապետությունում։ Առանց որակյալ մասնագետների՝ դժվար է պատկերացնել կառավարության՝ այդ ոլորտում իրականացվող ծրագրերի լիարժեք արդյունավետությունը։ Հենց այդ նույն պատասխանատվությամբ եւ պատրաստակամությամբ եմ ստանձնում ռեկտորի պաշտոնը՝ միեւնույն ժամանակ լիովին տեսնելով բուհի վերափոխման, արդիականացման եւ ներկա ժամանակակից պահանջներին համապատասխանեցնելու անհրաժեշտությունը»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
