ԱԺ ՔՊ խմբակցության պատգամավոր Մարիա Կարապետյանն այսօր ԱԺ լսումների ժամանակ վերլուծեց Շիրակի թեմի առաջնորդ Միքայել արքեպիսկոպոս Աջապահյանի հարցազրույցը: Ըստ նրա՝ արքեպիսկոպոսի քաղաքական մտքերը ինքը դիտարկում է ուսումնասիրության հերթական նմուշ. «Քանի որ պարոն Աջապահյանը քաղաքականությամբ զբաղվող հոգեւորական է, նրա խոսքի մեջ շատ վառ է արտահայտվում հայ քաղաքական մտքի, մեծամասամբ՝ Հայ Առաքելական եկեղեցու քաղաքական մտքի պտուղը լինելու հանգամանքը:
Ըստ նրա՝ հայ-թուրքական հարաբերությունները կարող են կարգավորվել միայն ցեղասպանության ճանաչումից հետո ու Հայաստանը պետք է հողային պահանջներ ունենա Թուրքիայի նկատմամբ: Նա ասում է՝ ցեղասպանությունը ձեր պատճառով է եղել: Հազար անգամ ասել եմ՝ մինչեւ 1890 թվականը հայ ժողովուրդն ապրել է իր պատմական տարածքներում, 1890-ին ստեղծվեցին ձեր կուսակցությունները եւ ձեր առաջին լոզունգը եկեղեցուց ազգային կառավարումը խլելն էր… եկեղեցին էլ ասաց՝ սիրելիներս, խնդրեմ կառավարեցիք, 30 տարում վարի տվեցիք 4500 տարվա երկիրը: Նույնիսկ մի պահ մտքովս անցավ պաշտպանել ՀՅԴ-ին Հայ Առաքելական եկեղեցու այս անողոք քննադատությունից: Հետո հիշեցի՝ չէ՞ որ հայր ՀՅԴ-ն Առաքելական եկեղեցուց է սովորել իրեն վերապահել հայ ազգի օրակարգը սահմանելու բացառիկ իրավունք»:
Մանրամասները՝ տեսանյութում
Կարդացեք նաև
Արփինե ՍԻՄՈՆՅԱՆ
