ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը հայտնում է.
«Այսօր հանդիպել եմ քաղաքական հետազոտությունների ամերիկյան «Heritage» հիմնադրամի նախագահի ավագ խորհրդական Ջեյմս Կարաֆանոյի, Ատլանտյան խորհրդի նախկին ավագ գիտաշխատող Կաուշ Արհայի և իրավախորհրդատու, Ռումինիայում ԱՄՆ նախկին դեսպան Ադրիան Ցուկերմանի հետ։
Ողջունելով հյուրերին՝ ընդգծել եմ Հայաստան-ԱՄՆ բազմոլորտ հարաբերությունների ներկայիս դինամիկան և կարևորել երկկողմ համագործակցության զարգացման համար առկա զգալի ներուժը։
Կարդացեք նաև
Հանդիպման ընթացքում ներկայացրել եմ Հայաստանի ձեռնարկած շարունակական ջանքերը՝ ուղղված Հարավային Կովկասում կայուն խաղաղության հաստատմանը։ Քննարկվել են Հայաստան-Ադրբեջան և Հայաստան-Թուրքիա հարաբերությունների կարգավորման գործընթացների մանրամասները, ընդգծվել է տարածաշրջանային կապուղիների ապաշրջափակման անհրաժեշտությունը, ինչպես նաև կարևորվել է «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագրի վերջնականացված տեքստի ստորագրումը»։
