«Եվրանեսթ» ԽՎ-ում ՀՀ ԱԺ պատվիրակության ղեկավար, ԱԺ «Քաղաքացիական պայմանագիր» խմբակցության անդամ Մարիա Կարապետյանն ապրիլի 14-ին հանդիպել է «Եվրանեսթ» ԽՎ համանախագահ Սերգեյ Լագոդինսկիի հետ:
Մարիա Կարապետյանը հյուրին է ներկայացրել Հայաստանի անվտանգային մարտահրավերները եւ դրանց լուծմանն ուղղված քայլերը, ինչպես նաեւ այդ ուղղությամբ միջազգային հանրության եւ, մասնավորապես, ԵՄ եւ «Եվրանեսթ» ԽՎ կողմից աջակցության հնարավոր ճանապարհները:
ԱԺ պատգամավորն անդրադարձել է Հայաստանի եւ Ադրբեջանի միջեւ հարաբերությունների կարգավորմանը, Խաղաղության եւ միջպետական հարաբերությունների հաստատման մասին համաձայնագրին՝ ընդգծելով, որ Հայաստանն ու Ադրբեջանը համաձայնեցրել են խաղաղության համաձայնագրի տեքստը, եւ Հայաստանը պատրաստ է անհապաղ ստորագրել այն:
Մարիա Կարապետյանը խոսել է նաեւ Հայաստանի կառավարության մշակած «Խաղաղության խաչմերուկ» ծրագրի մասին:
Կարդացեք նաև
ԱԺ
