«Կենցաղայինից սկսած` մինչև գլոբալ հարցեր մենք ունենք չկատարված խոստումների հսկայական փունջ և գործ ունենք այն իրավիճակի հետ, որ ՀՀ-ն կառավարվում է ստի միջոցով։ Դուք ստացել եք մարդկանց վստահության քվեն, բայց շարունակում եք խաբել քաղաքացիներին»,- ՀՀ ԱԺ ամբիոնից հայտարարեց ՀՀ ԱԺ «Պատիվ ունեմ» խմբակցության պատգամավոր Թագուհի Թովմասյանը։
Պատգամավորը թվարկեց, թե ինչեր էր խոստանում Նիկոլ Փաշինյանը և որ այդ բոլոր խոստումները չի կատարել։ Այնուհետև շարունակեց․ «Էլ չասեմ՝ դուք եկել էիք թալանը, կոռուպցիան, ամենաթողությունը վերացնելու համար, բայց դրանք շարունակվում են ձեր օրերում, որի մասին փաստարկված կներկայացնեմ: Նաև հաշվետվություն կուզենք, թե տիկին դատախազն ինչ է արել նախորդ կոռուպցիոն բացահայտումների առիթով։ Բայց փաստ է՝ ամենամեծ փոշիացած ծրագիրը՝ ԱՆԻՖ-ի հիմնադրամի գործը, շարունակելու է մնալ Ձեր ամենագլխավոր կոռուպցիոն գործարքը, որից խուսափել չեք կարող, քանի որ Դուք եղել եք այդ ծրագրի գլխավոր դերակատարը»։
Տաթև ՀԱՐՈՒԹՅՈՒՆՅԱՆ
