«Իմ կարծիքով, նոր Սահմանադրության տեքստում չպետք է հղում լինի անկախության հռչակագրին, բայց որոշողը ժողովուրդն է»,-հարցին՝ ՀՀ նոր Սահմանադրության նախաբանում Անկախության հռչակագրին հղումը պիտի պահպանվի՞, թե՝ ոչ, լրագրողների հետ ճեպազրույցում այսպես պատասխանեց ՀՀ վարչապետ Նիկոլ Փաշինյանը։
Նա, հիշեցնելով իր՝ նախորդ տարիների ուղերձներից մեկը Անկախության օրվա հետ կապված, ասաց․ «Ես Անկախության հռչակագրի օրվա՝ իմ ուղերձում ասել եմ, որ Անկախության հռչակագրի տեքստը նորից ուսումնասիրելով՝ իմ կարծիքն այն է, որ այդ տեքստը նրա մասին է, որ ՀՀ անկախ պետականություն չի կարող լինել։ Եթե ես սա ասում եմ, հետևաբար չեմ կարող ասել, որ նոր Սահմանադրության տեքստում պետք է լինի Անկախության հռչակագրին հղում։ Ընդհակառակը՝ իմ կարծիքով՝ նոր Սահմանադրության տեքստում չպետք է լինի հղում Անկախության հռչակագրին»։
Տաթև ՀԱՐՈՒԹՅՈՒՆՅԱՆ
