«Հայաքվե». ԵԱՀԿ Մինսկի խումբը համատեղ դիմումով ցրելու պահանջի միակ իմաստն այն է, որ ՀՀ հաջորդ իշխանությունը նույնիսկ տեսական հնարավորություն չունենա Արցախի հարցը բարձրացնելու:
Ադրբեջանը և անձամբ Ալիևը հասկանում են, որ ՀՀ այս իշխանությունը երկար չի մնալու, իսկ հաջորդ իշխանությունը որևէ մի փուլում, հատկապես եթե գերտերությունները կարողանան պայմանավորվել, առաջ է բերելու Արցախում առնվազն հայկական տարրի ներկայության խնդիրը, սկզբնապես` թեկուզ առանց որևէ կարգավիճակի։
Այն, որ Հայաստանի և Ադրբեջանի ԱԳ նախարարների հանդիպումներն անցկացվում են Թուրքիայում, գալիս է փաստելու, որ Թուրքիան իրենով փոխարինել է ԵԱՀԿ Մինսկի խմբի համանախագահության ձևաչափը և միանձնյա ստանձնել է հայ-ադրբեջանական հակամարտության կարգավորման մանդատը, թեև այդ մանդատը չունի և չպետք է ունենա:
