Գյումրու ավագանու նիստին ներկա 18 անդամները միաձայն կողմ քվեարկեցին Վարդան Ղուկասյանին։ Դեմ քվեարկող չկար։ Մարտուն Գրիգորյանի խմբակցության 6 անդամներից 5-ը կողմ քվեարկեցին նրան:
Վարդան Ղուկասյանը ելույթ ունեցավ՝ շնորհակալություն հայտնեց:
Կարդացեք նաև
Նա ասաց, որ լսել է իր հոգուն ու առաջնորդվել դրանով։
«Տեսեք, դուխը մարդու միջից գալիս է հոգեպես, հոգին հուր է և աննյութ, հոգին լույս է, եթե կարևոր վճիռներ պիտի կայացնեք, հարցրեք ձեր հոգուն։ Իհարկե, կարող է ամեն ինչ անեն, ես երկու նախագահների հետ աշխատել եմ, ես էսպես ռեպրեսիաներ չեմ տեսել։ Ես կպահեմ սուբորդինացիան, բայց եթե իրենք ուրիշ ձևի պահեն իրենց, կփոխհատուցեմ այլ ձևով։ Ես այդպես եմ մեծացել։ Էսքան քրգործերը վրես, եկել, ստանձնել եմ քաղաքապետի պաշտոնը, սա նշանակում է հայրենիք սիրել»:
Նա հիշեցրեց, որ իր օրոք քաղաքապետարանի շենքը «հերանց տուն» է եղել և նորից կվերականգնի դա։
Նրա երդմնակալությունը տեղի կունենա ապրիլի 29-ին:
Նունե ԱՐԵՎՇԱՏՅԱՆ
