ԱՄՆ կառավարության արդյունավետության վարչությունը (Department of Government Efficiency) տեղեկացնում է, որ Պետդեպարտամենտը կասեցրել է մի շարք միջազգային ծրագրերի ֆինանսավորումը, որոնք գնահատվել են որպես «անիմաստ ծախսեր»։
Ինչպես նշված է վարչության հայտարարությունում՝ Twitter-ի պաշտոնական էջում, չեղարկված դրամաշնորհների թվում է նաև Հայաստանի համար նախատեսված 2 միլիոն դոլարի «Ժողովրդավարական մշակույթի խթանում» ծրագիրը։
Բացի այդ, կասեցվել են հետևյալ նախագծերը.
-
1.4 միլիոն դոլար՝ «Ինտերնետի մասնատման կանխարգելում» ծրագիրը Բրազիլիայում,
-
750 հազար դոլար՝ «Քաղաքացիական հասարակության կայունության և հարմարվողականության խթանում» ծրագիրը Ղրղզստանում,
-
1 միլիոն դոլար՝ «Վստահության ձևավորում և հույսի պահպանություն» ծրագիրը Շրի Լանկայում։
Վարչությունն ընդգծել է, որ այս միջոցները «անարդյունավետ» են գնահատվել և չպետք է ծախսվեն ամերիկյան հարկատուների հաշվին։
Այժմ դեռևս պարզ չէ՝ արդյոք կասեցված ծրագրերի շրջանակում արդեն իրականացված աշխատանքների համար փոխհատուցում կտրամադրվի, թե ոչ։
Այս քայլը հաջորդում է ԱՄՆ-ում պետական ծախսերի վերանայման և կրճատման ընդհանուր քաղաքականությանը։
