«Դրա մասին այնտեղի խմբակցությունը հայտարարություն կանի։ Եկեք բոլոր գաղտնիքները չբացեմ»,- հարցին՝ ՔՊ-ն Գյումրու ավագանու նիստին կառաջադրի՞ քաղաքապետի թեկնածու, ի՞նչ որոշում է կայացրել, լրագրողների հետ ճեպազրույցում այսպես պատասխանեց ՀՀ ԱԺ նախագահ Ալեն Սիմոնյանը։
Նրա կարծիքով՝ տրամաբանական է՝ այն ուժը, որն ամենաշատ ձայներն է հավաքել, նա էլ քաղաքապետ ընտրի․ «Չակերտավոր մեկժամյա, մեկգիշերվա կոալիցիան չեմ կարծում կկարողանա ապահովել ավագանու բնականոն գործունեությունը»։
Ալեն Սիմոնյանը պնդեց՝ Վարդան Ղուկասյանի մասին իր կարծիքը չի փոխվել․ «Կարծում եմ՝ իր ճիշտ տեղը բանտում է»։
Հարցին՝ ո՞ւմ եք մեղադրում, որ նա բանտում չէ, Ալեն Սիմոնյանն այսպես արձագանքեց․ «Բոլորիս, որովհետև երևի ինչ-որ պահի ինչ-որ տեղ ամեն ինչ չէ, որ ճիշտ ենք արել։ Կան հարուցված գործեր, որոնք ինչ-որ ժամանակի ընթացքում իրենց հանգրվանին կհասնեն»։ Հարցին՝ այսինքն՝ Վարդան Ղուկասյանին կկալանավորե՞ն, Ալեն Սիմոնյանն այսպես պատասխանեց․ «Ես որ իմանայի՝ ում են կալանավորում, շատ մարդկանց հետ կապված հետևություններ կանեի նախապես։
Կարդացեք նաև
Տաթև ՀԱՐՈՒԹՅՈՒՆՅԱՆ
